Suikersiekte: Verskil tussen weergawes

'''Diabetes mellitus''' is 'n metaboliese afwyking wat gekenmerk word deur [[hiperglukemie]] (hoë bloedsuiker / -glukose) onder andere. Dit word "suikersiekte" in die volksmond genoem, maar daar kan deur die gebruik hiervan verkeerde afleidings gemaak word. Twee sulke afleidings sluit in dat mens die siekte opdoen deur te veel [[suiker]] te eet, en tweedens dat mens geen suiker mag inneem as mens die siekte onder lede het nie.

Hiperglukemie wat voortduur en hoog genoeg is kan [[glukosurie]] (glukoseverlies in die urine)veroorsaak, en met verergering lei dit tot [[poliurie]] (vermeerderde urinering) asook [[polidipsie]] (drink meer as normaal.

Die [[Wêreld Gesondheidsorganisasie]] erken drie hooftipes diabetes mellitus: tipe 1, tipe 2, en gestasionele ([[swangerskap]]s-) diabetes (tipe 3). Hierdie tipes het soortgelyke tekens en simptome, maar het verskillende oorsake en kom voor in verskillende groepe. Hulle verteenwoordig nie 'n enkele siekte/toestand nie. Tipe 1 is gewoonlik weens die outo-immuun vernietiging van die [[insulien]]-produserende selle - pankreatiese beta-selle - terwyl tipe 2 gekenmerk word deur 'n wisselende mate van [[insulienweerstandigheid]] in die weefsel. Gestasionele diabetes se oorsaak kan teruggevoer word na die fetale behoefte en moederlike metaboliese beheer. Die onderliggende meganismes hiervan is onduidelik. Tipe 2 kan soms voortgaan om te lei na verlies van die beta-selfunksie.