Antiogië: Verskil tussen weergawes

{{Inligtingskas Nedersetting

|ander_naam=

|inheemse_naam= Antakya

|webwerf=

}}

'''Antiogië''' of '''Antiochië aan die Orontes''' ([[Grieks]]: Ἀντιόχεια ἡ ἐπὶ Ὀρόντου; [[Turks]]: Antakya; [[Siries]]: ܐܢܛܝܘܟܝܐ) was ’n antieke Siriese stad aan die oostekant van die [[Orontes-rivier]]. Die stad se ruïnes lê tans in [[Turkye]], by die moderne stad [[Antakya]]. Dit was ook bekend as '''Antiogië aan die Dafni''', '''Antiogië die Grote''' en '''Siriese Antiogië'''.

 

Vanweë sy lang bestaan en die rol wat dit gespeel het in die opgang van die vroeë [[Christendom]] is die stad die "wieg van die Christendom" genoem.<ref>"The mixture of Roman, Greek, and Jewish elements admirably adapted Antioch for the great part it played in the early history of Christianity. The city was the cradle of the church." ''Encyclopedia Biblica''</ref> Ná ’n vooruitstrewende tydperk waarin Antiogië sowat ’n halfmiljoen inwoners gehad het, het dit tydens die [[Middeleeue]] agteruitgegaan weens herhaalde [[aardbewing]]s, invalle deur die [[Kruistog|Kruisvaarders]] en die verskuiwing van die handelsroetes weg van Antiogië ná die [[Mongoolse Ryk|Mongoolse verowerings]] in die [[13de eeu]].

 

Voor die stigting van Antiogië was die nedersetting '''Meroe''' op dié terrein geleë. Ná die dood van Alexander die Grote het sy generaals die gebied wat hy verower het, tussen hulle verdeel. Seleucus het Sirië gekry en vier "susterstede" in Noordwes-Sirië gebou, waarvan Antiogië een was. Dit het gou die Siriese hoofstad geword.

 

In 256 n.C. is die stad deur die Perse aangeval en hulle het baie van die inwoners in die teater vermoor.

 

Antiogië was een van die belangrikste sentrums van die vroeë Christendom. Die stad het ’n groot Joodse bevolking gehad en het vroeg al sendelinge gelok.<ref>[[Handelinge]] 11:19</ref> Volgens die tradisie het [[Petrus]] self ook evangeliewerk hier gedoen, en later ook Barnabas en [[Paulus van Tarsus|Paulus]].<ref>Handelinge 11:22-26</ref> Die gelowiges van Antiogië is volgens die [[Bybel]] die eerstes wat Christene genoem is.<ref>Handelinge 11:26</ref>

 

In 637, tydens die bewind van [[Herakleios van Bisantium|keiser Herakleios]], is die stad verower deur Arabiere van die [[Rasjidoen-kalifaat]] en die stad het bekend geword as '''Antākiyyah'''. Aangesien die [[Omajjadiese Kalifaat]] lank probeer het om [[Anatolië]] binne te dring, was Antiogië in die volgende 350 jaar vasgevang tussen die twee vyandelike ryke en die stad het al hoe meer agteruitgegaan.

 

Die Kruisvaarders het Antiogië in 1098 verower. Teen dié tyd het die meeste handelsroetes deur [[Egipte]] geloop. In 1100 het [[Bohemond I van Antiogië]] se susterskind [[Tancred, prins van Galilea|Tancred]] die regent van Antiogië geword toe Bohemond gevange geneem is. Hy het die gebied uitgebrei deur die besetting van ander stede en in 1103 die prinsdom [[Latakia]] gestig. In 1114 is Antiogië weer eens deur ’n aardbewing verwoes, waarna dit weer herbou is.

 

{{Verwysings}}

 

* [http://www.clevelandart.org/exhibcef/antiochexhib/illusmag/City_Map.jpg Kaart van Antiogië]

* [http://icarus.umkc.edu/sandbox/perseus/pecs/page.316.a.php Richard Stillwell, red. ''Princeton Encyclopedia of Classical Sites'', 1976:] "Antioch on the Orontes (Antaky), Turkey"

* [http://www.sacred-destinations.com/turkey/antioch.html Antioch (Antakya)] Tydlyn, kaarte en foto's van artefakte

* [http://www.pbase.com/dosseman/antakya_museum Antakya Museum] Foto's van versamelings in Antakya se museum

 

[[Kategorie:Geskiedenis van Turkye]]

[[Kategorie:Sirië]]