Djoser: Verskil tussen weergawes

{{Inligtingskas farao

| beeld = Djoser statue.jpg

| onderskrif = ’n Kalksteenstandbeeld van Djoser.

| nomen =

}}

'''Djoser''' was ’n [[Egipte|Egiptiese]] [[farao]] van die 3de Dinastie tydens ’n tydperk bekend as die [[Antieke Egipte|Ou Koninkryk]] en die stigter van dié era. Hy was ook bekend onder sy [[Antieke Griekeland|Hellenistiese]] name '''Tosorthros''' (deur [[Manetho]]) en '''Sesorthos''' (deur [[Eusebius van Caesarea|Eusebius]]). Hy was die seun van [[Chasechemwi]] en koningin [[Nimaethap]], maar dit is nog nie heeltemal duidelik of hy sy pa se direkte troonopvolger was nie. Sommige lyste noem ’n koning [[Nebka]] voor hom, maar aangesien daar probleme is om dié naam met enige bestaande [[Serech|Horusname]] te laat klop, hang daar ’n vraag oor die opvolging.

 

 

In sommige inskripsies word hy '''Netjerichet''' ("goddelik van liggaam") genoem. Latere bronne het bevestig Netjerichet en Djoser is dieselfde persoon.

Sommige lyste noem Netsjerophes of Nebka as die eerste heerser van die 3de Dinastie, maar die meeste Egiptoloë glo nou Djoser het die dinastie gestig en dat Nebka tussen Djoser en [[Hoeni]] hoort. Verder het die Britse Egiptoloog Toby Wilkinson gewys die grafseels by die ingang van Chasechemwi se graftombe in Abidos noem net Djoser se naam en nie Nebka s’n nie. Dit bevestig die vermoede dat Djoser hom begrawe en opgevolg het.<ref>Toby Wilkinson, ''Early Dynastic Egypt'', Routledge, 1999, pp.83 & 95</ref>

 

Manetho het geskryf Djoser het 29 jaar oor Egipte regeer, terwyl dit 19 jaar was volgens die [[Turynse Koningslys]]. Vanweë sy baie bouprojekte, veral by Saqqara, glo sommige geleerdes sy bewind moes nader aan drie dekades gewees het en dat Manetho waarskynlik reg was.<ref>Toby Wilkinson, ''Royal Annals of Ancient Egypt'', pp.79 & 258</ref>

 

Djoser het verskeie militêre veldtogte na die [[Sinai|Sinai-skiereiland]] onderneem waarin die plaaslike inwoners onderwerp is. Hy het ook ekspedisies daarheen gestuur vir die myn van waardevolle minerale soos [[turkoois (gesteente)|turkoois]] en [[koper]]. Dit is bekend uit inskripsies wat daar in die woestyn gevind is. Sinai was ook strategies belangrik as ’n buffer tussen die [[Nyldelta|Nylvallei]] en [[Asië]].

 

Sommige stukke reliëf wat by [[Heliopolis]] en [[Gebelein]] gevind is, noem Djoser se naam en suggereer dat hy opdrag vir bouprojekte in dié stede gegee het. ’n Inskripsie bekend as die [[Hongersnoodstele]] wat beweer dit stam uit die tyd van Djoser, maar wat waarskynlik tydens die [[Ptolemeïese Dinastie]] geskryf is, vertel hoe Djoser die tempel van Khnum op die eiland Elephantine herbou het en so ’n hongersnood van sewe jaar in Egipte beëindig het. Sommige geleerdes beskou dit as ’n legende uit die tyd toe dit geskryf is. Dit wys egter Egiptenate het Djoser twee millenniums ná sy bewind steeds onthou.

 

 

== Verwysings ==

{{Verwysings}}

 

 

[[Kategorie:Farao's van Egipte]]