Op 12 Januarie 1999 is die uitslag van toetse deur die Departement Waterwese van die Hartebeespoortdam bekend gemaak. Die water was in 'n haglike toestand, die waterhiasinte gevaarlik baie, en die inwoners/vakansiegangers is gewaarsku om nie water uit die dam te drink nie.<ref>[http://152.111.1.88/argief/berigte/beeld/1999/03/29/5/15.html Landwye netwerk om gevaarlike water te suiwer]</ref> Van die menings van die inwoners was dat, indien die waterhiasinte in die dam totaal uitgeroei sou word, dit die dam sou doodmaak, aangesien die visse nie in besoedelde water sal kan oorleef nie. Solank die waterhiasinte nie die 5%-perk oorskry nie, sal dit die water van skadelike afvalstowwe suiwer.<ref>[http://152.111.1.88/argief/berigte/beeld/1999/02/05/6/14.html Gerugte oor giftige alge in Harties ongegrond, sê Roos]</ref>
By die Hartebeespoortdam het daar ondertussen deur eutrofikasie teen 2004 'n bevolkingsontploffing van [[karp]] en tot 'n mindere mate [[baber]]s ontstaan, sodat byna al die algevretende insekte opgevreet is. Daar is nie meer krokodille[[krokodil]]le in die dam wat hierdie visbevolking kan laat daal nie. Dit het die reeds bestaande bloualge verder laat aankweek op die oortollige fosfaat in die dam. Oplaas is 'n projek geloods om die oorbevolking vis uit die dam te haal (200 ton was beoog).<ref>[http://152.111.1.88/argief/berigte/beeld/2004/03/05/SN/06/01.html Raubenheimer, L. 2004. Vis moet dalk uit Harties gehaal word. ''Beeld'', 05 Maart:6]</ref> "Harties" se vullis en alge het ondertussen ook in Roodekoppies ingespoel (2004).<ref>[http://152.111.1.88/argief/berigte/beeld/2004/03/26/SN/17/01.html Vreugde oor voller damme]</ref> Die skoonmaakproses het eers in laat-2007 begin. R22,5 miljoen is deur die Departement Waterwese en Bosbou goedgekeur sodat waterstudies aan die gang gesit kon word.<ref>[http://152.111.1.88/argief/berigte/beeld/2007/09/22/KA/2/madibeng2.html De Wet, C. 2007. Die dam moet skoon! ''Beeld'', 22 September:2]</ref> Teen 2008 was slegs 3 ton vis uitgehaal weens sabotasie deur die publiek wat die visnette beskadig het (deur middel van bote wat die nette "ernstig beskadig" het)<ref>[http://152.111.1.88/argief/berigte/beeld/2008/05/13/NW/3/dmdam.html Bote belemmer herstel van dam]</ref>. Verder sou die sediment uitgepomp moes word. Valhekke in die dam is gebruik om die alge te keer. Die giftige alge moes ook uitgepomp word. Die hoofoorsaak is egter die hoë konsentrasies stikstof en fosfaat in die water wat veroorsaak word deur die invloei (deur die Krokodilrivier) van kunsmis, waspoeier en ander skoonmaakmiddels, asook rioolafval.<ref>[http://152.111.1.88/argief/berigte/beeld/2008/05/15/B1/8/etalge%20.html Tempelhoff, E. 2008. Harties-herstel deur ‘vandale’ belemmer. ''Beeld'', 15 Mei:8]</ref> Drywende planteilande is ook gevestig om die toename in vriendelike waterorganismes aan te moedig. Daagliks is 500 tot 800 kg ongewenste vissoorte ook gevang om “vriendelike” vissoorte soos kurper, wat alge vreet, se getalle te vermeerder. Daar is bereken dat 50% van die water wat die Hartebeespoortdam invloei gesuiwerde riool is en tussen 200 tot 350 ton fosfaat jaarliks van rioolwerke die dam inspoel.<ref>[http://152.111.1.88/argief/berigte/beeld/2008/05/30/NW/2/dam.html ‘Almal moet saamwerk’]</ref> Tempelhoff bly egter sinies oor die manier hoe die projek aangepak is: slegs die gevolge van eutrofikasie is behandel, maar die oorsake self is nie teengewerk nie: die besoedeling lê by die opvangsgebiede, by die sytakke van die Krokodilrivier en die ander riviere hoër op wat uiteindelik na die Hartebeespoortdam lei.<ref>[http://152.111.1.88/argief/berigte/beeld/2010/05/30/B1/13/EliseT29Mei.html Tempelhoff, E. 2010. Harties-projek mors tyd en geld. ''Beeld'', 30 Mei:13]</ref>
