NG gemeente Heidelberg, Gauteng: Verskil tussen weergawes

[[Beeld:NG kerk Heidelberg, Gauteng, toring ineengestort.jpg|duimnael|links|300px|Die kerktoring het in 1909 ineengestort, maar gelukkig weg van die gebou af.]]

 

 

[[Beeld:Ds Arnold Meiring 1957.jpg|duimnael|regs|170px|Ds. [[Arnold Meiring]], leraar van 1951 tot 1961 en in 'n stadium moderator was van die Transvaalse Kerk.]]

Die '''NG gemeente Heildelberg (Gauteng)''' is 'n gemeente van die [[Nederduitse Gereformeerde Kerk]] op die dorp [[Heidelberg, Gauteng]], wat tot omstreeks 1994 as Heidelberg, Transvaal, bekendgestaan het om dit te onderskei van die Wes-Kaapse gemeente met dieselfde naam.

 

Die NG gemeente Heidelberg is op [[27 Junie]] [[1865]] gestig. Reeds aan die einde van daardie jaar kon die kerkgebou ingewy word. In 1891 is die bestaande sierlike en uitstaande gebou ingewy en deur die gemeente betrek. Die ou kerk is afgebreek en die materiaal is gebruik om die pastorie in Van der Westhuizenstraat te bou. Blykbaar was die bouwerk aan die kerktoring nie na wense nie, want weens 'n besonder nat reënseisoen in 1909, stort hierdie struktuur tydens die besige katkisasieweek, toe talle lidmate om die kerk kampeer, ineen. Dit was nadat ds. A.J. Louw en enkele kerkraadslede 'n paar uur vantevore in die toring opgeklim het om ondersoek in te stel. Deur die genade gebeur dit gedurende die etensuur toe niemand naby is nie, en val die toring weg van die kerk af sodat die hoofgebou nie beskadig is nie. Die slag kon duidelik twee straatblokke ver in, onder andere, die pastorie in Van der Westhuizenstraat gehoor word sodat ds. Louw aan tafel opmerk: "Daar val die toring." In 1911 is die herboude toring ingewy met ds. [[John Daniel Kestell|J.D. Kestell]] van [[NG gemeente Ficksburg|Ficksburg]] wat die

inwydingsdiens waarneem het.