Verskil tussen weergawes van "NG Kerk in Zambië"

 
==Lusaka==
Teen 1959 was daar elf gemeentes in die destydse [[Noord-Rhodesië]] met sowat 3 300 lidmate, waarvan twee in die hoofstad [[Lusaka]] was: die [[NG gemeente Lusaka|moedergemeente]] en haar dogter, Lusaka-Oos. Dié stad is in 1913 tot dorp verklaar. Teen 1912 was daar reeds meer as 250 [[Nederduitse Gereformeerde Kerk|NG lidmate]] in die latere [[Noord-Rhodesië]] en na raming was 'n kwart van die blankes wat teen 1913 in die distrik Lusaka gewoon het, NG lidmate. Lusaka is op [[26 Junie]] [[1919]] afgestig. Die hoeksteenlegging van die kerkgebou, die eerste in [[Noord-Rhodesië]], het plaasgevind op [[11 September]] [[1920]] en die inwyding op [[7 Mei]] [[1921]]. Dit was aan die [[Great North Road]] geleë en in 1966 aan die [[Heilsleër]] verkoop. Die argitek, W.[[Wynand Louw]], het die plan gratis voorsien en die olielampe vir die kerk is geskenk deur die NG gemeente [[Mosselbaai]]. Die [[pastorie]] is op [[15 November]] [[1925]] in gebruik geneem. Ná Lusaka-Oos by Lusaka ingelyf is, het die gemeente oorgetrek na eersgenoemde se gebou in Kabulongaweg, waar dit vandag nog gesetel is.
 
Soos al die ander Zambiese gemeentes het die gemeente hom altyd op die geestelike versorging van Afrikaanse lidmate van die NG kerk toegespits en al sy dienste was in [[Afrikaans]]. Maar sedert 1991 het 'n verandering begin intree toe mense vir [[Engels]]e dienste begin vra het. Sporadiese Engelse dienste in van 1992 af gehou en in 1995 besluit die kerk om 'n volledige Engelse bediening te begin. Die gemeente is in 'n Engelse en Afrikaanse blok verdeel, elkeen met sy eie kerkraad, maar gemeenskaplike sake het hulle op 'n gesamentlike kerkraadsvergadering behandel.
85 790

wysigings