NG gemeente Krokodilrivier: Verskil tussen weergawes

In die jaar 1914 is die gemeente Krokodilrivier van die [[NG gemeente Magaliesberg|gemeente Magaliesburg]] afgestig. In daardie vakante periode het ds. Rudolph van Rustenburg as konsulent opgetree. Die eerste leraar, ds. S.J. van der Spuy, het in 1916 hier aangekom. ’n Aantal jare lank het hy die gemeente getrou bearbei. Hy ontvang toe 'n beroep na [[NG gemeente Malopo|Malopo]] omstreeks die jaar 1924 en vertrek daarheen. Kort was sy verblyf in die gemeente Malopo, want slegs drie maande daarna word hy teruggeroep na Krokodilrivier, waarheen hy terugkeer met die uitdruklike voorwaarde dat die gesindheid teenoor die sendingsaak onmiddellik in die kerkraad en gemeente verbeter en met ywer aangepak word.