In 1894 is die hoeksteen gelê van die gebou wat as skool sowel as kerk moes dien. Lank is die behoefte aan ’n groter kerk gevoel, maar eers in April 1914 is die hoeksteen van die huidige kerk gelê deur die, volgens Ons Kerk Album, “onvergetelike, en door zijn volk innig beminde” kmdt.genl. [[Christiaan Beyers]]. Ds. Stofberg het die kerk ingewy. Danksy die hartlike samewerking van die gemeente en milde skenkings van vele, kon die skuld bimne twee jaar betyds afbetaal word, en dit nieteenstaande die swaar tye veroorsaak deur die [[Eerste Wêreldoorlog]]. Weens die oorlog kon nie toring en galery egter nie dadelik aangebring word nie.
