NG gemeente Harare: Verskil tussen weergawes

Content deleted Content added
Morne (besprekings | bydraes)
No edit summary
Morne (besprekings | bydraes)
No edit summary
Lyn 3:
 
Die '''NG gemeente Harare''' (vroeër Salisbury) is 'n gemeente van die [[Nederduitse Gereformeerde Kerk]] in [[Zimbabwe]] wat na die ontbinding van die [[Sinode van Midde-Afrika]] as deel van die Ring van Midde-Afrika onder die Noordelike Sinode ressorteer. Dit is amptelik op [[28 Mei]] [[1901]] van die [[NG gemeente Bulawayo]] afgestig. Die kerkgebou van die gemeente is deur die gevierde Suid-Afrikaanse argitek [[Gerard Moerdijk]] ontwerp. Ds. J.A. Pienaar het die hoeksteen op [[26 April]] [[1930]] gelê onder blyke van groot belangstelling. Van die sprekers tydens die geleentheid was onder andere eerw. James Andrews van die plaaslike Presbiteriaanse kerk en Suid-Rhodesië se minister van myne en openbare werke, John Wallace Downie. Volgens laasgenoemde moes die kerkgebou 'n "monument word aan die Voortrekkersendingwerk in Suid-Rodesië"<ref>[http://www.up.ac.za/dspace/bitstream/2263/1067/1/MDK0097T.pdf ''Die Kerkbode'', 31 Mei 1930.]</ref>. Volgens 'n ander spreker sou die gebou 'n "sieraad vir Salisbury" wees. Die kerk is in 1931 ingewy<ref>[http://www.artefacts.co.za/main/Buildings/archframes.php?archid=1102&orig_form=archlistframes.php&bldgorder=%60tblbldg%60.%60name%60&orderby=Surname&initial=M&source=0&backbutton=1 Biografie van Moerdijk]</ref>. Harare-Suid stig op [[24 Maart]] [[1954]] van die moedergemeente af.
 
== Vroeë geskiedenis ==
Di. George Stegmann van Oudtshoorn en [[Adriaan Hofmeyr]] van [[NG gemeente Prins Albert]] was die eerste predikante van die NG Kerk wat Rhodesië besoek het en wel in 1891. Hulle moes, soos die pioniers, hul reis met ossewaens aflê en dit duur dan ook sowat drie maande om tot hier te kom. Hulle het hul dienste onder bokseile gehou wat hulle oor hul twee waens uitgesprei het. In 1916 skryf ds. B.J. Kloppers in Ons Kerk Album: “Ons kan ons wel voorstel dat hulle veel ongerief moes uitstaan en groot opofferings verduur en, soos ons weet, is ds. Stegmann op sy terugtog te Pietersburg (Transvaal) aan disenterie oorlede.”
 
In 1895 kom weer ds. Strasheim ([[NG gemeente Wynberg|Wynberg]]) om Rhodesië te besoek vergesel van eerww. Groenewald, Liebenberg en P. le Roux. Op dié reis het hy die gemeentes [[NG gemeente Chipinge|Melsetter]], [[NG gemeente Chivhu|Enkeldoorn]] en [[NG gemeente Bulawayo|Bulawayo]] gestig, terwyl hy self op Salisbury sou vertoef, maar hy keer spoedig terug na [[Stellenbosch]]. Sy reiskoste is betaal deur [[Cecil John Rhodes]]. Eerw. Liebenberg is op Enkeldoorn (Chivhu) geplaas waar hy nog baie jare met seën sou arbei. Eerw. Groenewald het op Bulawayo gebly en eerw. P. le Roux op Melsetter (Chipinge).
 
So was Salisbury heeltemal herderloos van 1896 tot 1901 en moes eerw. Liebenberg eenmaal 100 myl per perdekar aflê om ’n kindjie op Salisbury te kom doop en het hy Salisbury ook destyds een keer elke drie maande bearbei.
 
In 1904 neem ds. Geldenhuys die beroep na Bulawayo aan en het hy Salisbury heel dikwels besoek, hoewel die afstand tussen die twee plekke meer as 300 km is. Dit was in werklikheid ds. Geldenhuys wat die gemeente Salisbury in 1905 gestig het en nadat verskeie beroepe van die hand gewys is, het ds. Daniël Du Plessis Steyn (van [[NG gemeente Glen Lynden|Bedford]]) hom die beroep na Salisbury laat welgeval en kom hy hier aan in Desember 1906. Hy was die eerste herder en leraar van dié gemeente.
 
Van 1901 tot 1906 word die dienste waargeneem in ’n kamer van die munisipale gebou. Ds. Steyn het hom so flink beywer dat hier spoedig ’n netjiese kerkie gebou en ook afbetaal is, waarvan ds. J.N. Geldenhuys die hoeksteen op [[19 Mei]] [[1908]] gelê het. Weens gesondheidsredes het ds. Steyn net 15 maande hier vertoef en toe teruggekeer na sy ou gemeente.
 
Van 1907 tot 1909 was die gemeente andermaal herderloos en teen die einde van 1909 is eerw. Adshade deur die kerk na Salisbury gestuur, maar verlaat die plek weer in 1910.
 
==Enkele leraars: Harare==