John Hofmeyr: Verskil tussen weergawes

John Hofmeyr is in die ou pastorie op [[Somerset-Oos]] gebore. Hy dra die naam van sy oom prof. [[John Murray]], wat een van die eerste teologiese professors van die [[Kweekskool]] was. Sy doopsbediening het in die [[Gill-kollege]] plaasgevind, waar die dienste tydelik gehou was terwyl die teenswoordige kerk in aanbou was. Ná plaaslike skoolonderwys het hy in 1891 uit die Gill-kollege die B.A. eksamen afgelê. In 1894 is hy ingeskryf as teologiese student op Stellenbosch en na volbragte studie is hy [[29 September]] [[1897]] gelegitimeer. Op Stellenbosch was hy van 1895 en 1897 kaptein van [[Universiteit Stellenbosch|Maties]] se eerste rugbyspan<ref> {{af}} [[Danie Craven|Craven, Danie]] en Jordaan, Piet. 1955. ''Met die Maties op die rugbyveld 1880–1955''. Kaapstad, Bloemfontein en Johannesburg: Nasionale Boekhandel Beperk.</ref>. Hy het ook in 1897 vir die Westelike Provinsie se eerste span gespeel. Van Maties se eerste krieketspan was hy ook kaptein. Van sy tyd het ene "Ou-Kaptein" in 1918 in ''Gedenkboek van het Victoria-kollege'' geskryf (in die Afrikaans van destyds): "In 1895 het daar weer 'n bietjie herlewing in kriket gekom, sodat dit die Stellenbosse span geluk het onder die kapteinskap van J.M. Hofmeyr (tans predikant van Somerset-Oos) selfs die welbekende 'Western Province Club'' op hul eie grond 'n pak sla te gee."<ref> {{af}} {{nl}} Brümmer, N.J. en Smith, J.J. 1918. ''Gedenkboek van het Victoria-kollege''. Kaapstad: De Nationale Pers Beperkt.</ref>