NG gemeente Heidelberg, Gauteng: Verskil tussen weergawes

Nadat ds. Pauw in 1925 vertrek het, het die kerkraad weer van tydelike hulp gebruik gemaak tot ds. Louw vir prop. [[Cornelis Bertie Brink|C.B. Brink]] gevra het om Heidelberg toe te kom. Hy word op [[30 Januarie]] [[1928]] in die kerkraadsvergadering welkom geheet. “Die vertroue word gekoester dat hy onder die seën van God 'n krag ten goede in die gemeente sal wees." In Maart ontvang prop. Brink 'n beroep na [[NG gemeente Alberton|Alberton]] en die kerkraad besluit om hom as vaste hulpleraar aan te stel. Hy is op [[3 Junie]] georden. Hy het egter reeds in Oktober 'n beroep na [[NG gemeente Dullstroom|Dullstroom]] aangeneem. Ds. Brink het in latere jare 'n belangrike rol in die Transvaalse Kerk gespeel. Hy was eers actuarius en later moderator. Voor dat hy in 1964 sy demissie aanvaar het, was hy sendingsekretaris vir die Noordstreek-Sinode van Transvaal.