Die '''Republiek van Angola''' ([[Portugees]]: ''República de Angola'') is 'n land in [[Suider-Afrika]] wat grens aan [[Namibië]], die [[Demokratiese Republiek van die Kongo]], [[Zambië]] en die [[Atlantiese Oseaan]] in die weste. Die provinsie [[Cabinda (provinsie)|Cabinda]], wat hom ten noorde en buite die land self bevind, grens aan die [[Republiek van die Kongo]]. Angola is 'n voormalige [[Portugal|Portugese]] kolonie wat onafhanklikheid in [[1975]] bereik het. Die hoofstad en grootste stad is [[Luanda]].
Angola was 'n [[Portugese Ryk|Portugese kolonie]] van die 16de eeu tot 1975. NaNá onafhanklikheid,onafhanklikwording was Angola van 1975 tot [[2002]] in 'n ernstige burgeroorlog gedompel. Die oorlog het ook deel uitgemaak van die wêreldwye [[Koue Oorlog]], met [[Sowjetunie]] en [[Kuba]] wat die kommunisties gesinde [[MPLA]] (''Movimento Popular de Libertação de Angola – Partido do Trabalho'') ondersteun het terwyl [[Suid-Afrika]] en die [[Verenigde State van Amerika|Verenigde State]] die anti-kommunistiese [[UNITA]] (''União Nacional para a Independência Total de Angola'') ondersteun het.
Die land is die 2de grootstenaasgrootste [[Ru-olie|petroleum]]- en [[diamant]]produsent in [[Sub-Sahara Afrika]]. Daarteenoor het Angola van die laagste lewensverwagtings- en een van die hoogste kindersterftekoerse in die wêreld.<ref>{{en}} [https://www.cia.gov/library/publications/the-world-factbook/rankorder/2102rank.html, Life expectancy at birth], [www.cia.gov] (2009)</ref> In [[Augustus]] [[2006]], is 'n vredesooreenkoms onderteken met 'n faksie van die ''Frente para a Libertação do Enclave de Cabinda, FLEC'', 'n afgeskeidene guerilla groep van die Cabinda eksklawe in die noorde van die land, wat steeds aktief is.<ref>{{pt}} [http://noticias.uol.com.br/ultnot/lusa/2008/06/04/ult611u78130.jhtm Angola mantém presença militar reforçada em Cabinda], [UOL.com.br] (4 Junie 2008)</ref> Nagenoeg 65% van Angola se olie is afkomstig van daardie area.
