Verskil tussen weergawes van "Margaret Ballinger"

 
== Herkoms en opleiding ==
Ballinger was die jongste kind en enigste dogter van John Hodgson, 'n handelsreisiger, en sy vrou, Lillias. Haar vader, 'n [[Oranje-Vrystaat|Vrystaatse]] burger, het gedurende die [[Tweede Vryheidsoorlog]] (1899-1902) in die Ierse Brigade aan Boerekant geveg. Nadat hy 17 maande lank 'n krygsgevangene op [[St. Helena]] was, is hy vrygelaat toe vyandelikhede beëindig is. Hy het na [[Skotland]] teruggekeer waar hy verbaas was om heelwat vyandigheid as gevolg van sy optrede te ondervind. As gevolg daarvan het hy besluit om te emigreer en in 1904 sy gesin na [[Port Elizabeth]], geneem waar hy as boekhouer-sekretaris gewerk het.
 
Ballinger het haar vroeë skoolopleiding aan die Holy Rosary-klooster in Port Elizabeth ontvang. Sy het so skitterend in die matriekeksamen geslaag dat sy die goue medalje, wat deur die munisipaliteit aan die beste [[matriek]]leerling van die jaar geskenk is, ontvang het. Daarvandaan is sy na die [[Hugenote-kollege]], [[Wellington, Wes-Kaap|Wellington]], waar sy in 1911 in die Kaapse Intermediêre Eksamen geslaag het. Daarna het sy aan [[Rhodes-universiteit|Rhodes-universiteitskollege]], [[Grahamstad]], studeer en in 1913 die B.A.-graad van die [[Unisa|Universiteit van die Kaap die Goeie Hoop]] met onderskeiding in geskiedenis verwerf. Omdat sy hierdie kwalifikasie met soveel onderskeiding verwerf het, is die Queen Victoria Scholarship om aan Somerville College, [[Oxford]], te studeer in Oktober aan haar toegeken. Daar het sy die M.A.-graad in geskiedenis verwerf.
 
== Universiteitsdosent ==
84 889

wysigings