NG gemeente Pierneef: Verskil tussen weergawes

Die dienende kerkraadslede van die deel suid van die spoorweg het opdrag gekry om die memories en waarborglyste vir ondertekening rond te neem. Hieruit het baie duidelik geblyk dat die deel suid van die spoorweg so te sê eenparig ten gunste van afstigting was. Nadat die stukke deur die kerkraad in orde bevind en goedgekeur is, is die afstigtingsvergadering deur kennisgewing in ''[[Kerkbode|Die Kerkbode]]'' opgeroep vir [[30 September]] [[1950]]. Op die vergadering is eenparig besluit om oor te gaan tot afstigting en wel onder die naam “die"die Pierneef-gemeente van die Ned. Herv. of Geref. Kerk". En so het die 29ste gemeente van die Kerk in Pretoria tot stand gekom.

Die 12 ouderlinge en 14 diakens wat op die afstigtingsvergadering gekies is, is Sondagmôre, [[1 Oktober]] [[1950]], deur die konsulent, ds. J.F. Linde van [[NG gemeente Riviera-Jakaranda|Riviera]], by die eerste diens in die Moggssaal, 23ste Laan, Villieria, voorgestel. Op 'n kerkraadsvergadering, gehou op [[16 Oktober]] [[1950]], is ds. H.J.C. Reyneke eenparig beroep tot herder en leraar van die gemeente. Tot groot vreugde en dankbaarheid van die gemeente het hy hom die beroep laat welgeval, en gedurende die naweek van 19 tot 21 Januarie 1951, ’n onvergeetlike naweek in die geskiedenis van die gemeente, is ds. en mev. Reyneke en hul kinders feestelik verwelkom. Ds. Reyneke is Saterdagaand deur dr. Retief van [[NG gemeente Daspoort|Daspoort]] bevestig en die Sondagmôre het hy sy intreepreek gelewer in 'n groot tent wat goedgunstig deur die Armesorgkommissie aan die gemeente geskenk is.