Robey Leibbrandt: Verskil tussen weergawes

== Tweede Wêreldoorlog ==

[[Beeld:Robey Leibbrandt en die egpaar Koelenberg Engelbrecht.jpg|duimnael|regs|300px|Die onderskrif by ’n foto in ’n Afrikaanse koerant van 1948 lui: “Mnr. en mev. Koelenberg Engelbrecht, die eerste mense wat Leibbrandt raakgeloop het na sy landing sewe jaar gelede. Hy het twee dae by hulle herberg gevind. Hierdie foto toon Leibbrandt in gesprek met die egpaar na afloop van die geslaagde soektog na sy bootjie.”]]

Leibbrandt se verblyf in Duitsland het nie slegs van hom 'n oortuigde en toegewyde Nasionaal-sosialis gemaak nie, maar 'n fanatikus. Met die uitbreek van die [[Tweede Wêreldoorlog]] in September 1939 het Leibbrandt hom steeds in Duitsland bevind. Hoewel hy vasbeslote was om na Suid-Afrika terug te keer om die [[Jan Smuts|Smuts]]-regering se oorlogspoging in die wiele te ry, is hy afgeraai om dadelik hierdie voorneme uit te voer aangesien hy moontlik as 'n spioen beskou kon word; dit was trouens geen geheim dat sy simpatie by die Duitse volk en die Nasionaal-sosialistiese ideologie gelê het nie. Die voorstel is aan hom gemaak voor alvorens hy na sy vaderland terugkeer, hy eers as valskermsoldaat opgelei moes word, aangesien die moontlikheid dat sy terugkoms per vliegtuig sou geskied, nie uitgesluit was nie. Hy het hom dus amptelik by die Duitse leër aangesluit en sy opleiding by Stendal voltooi.