Gereformeerde kerk Biermanskool: Verskil tussen weergawes

Content deleted Content added
Morne (besprekings | bydraes)
No edit summary
Morne (besprekings | bydraes)
No edit summary
Lyn 5:
Die '''Gereformeerde kerk Biermanskool''', is ’n [[Gereformeerde Kerke in Namibië|Gereformeerde gemeente]] in [[Namibië]]. Die gemeente het die onderskeiding dat sy kerkgebou die oudste Gereformeerde kerk is wat steeds in Namibië in gebruik is.
 
Biermanskool is in 1955 as die Gereformeerde kerk Vanjaarsveld gestig, waarskynlik so genoem na ds. H.S. van Jaarsveld, wat die eerste Gereformeerde kerke in 1930 in Suidwes-Afrika kom stig het. In 1961 is die naam verander na Outjo-Wes, maar in 1985 kom ’n tweede naamsverandering, toe die gemeente Biermanskool word. Die gemeente se kerkgebou staan op die plaas Urumube in die distrik [[Kamanjab]]. (Op laasegenoemde dorpie het van 1969 tot 1977 die [[Gereformeerde kerk Kamanjab]] bestaan, maar veel oor sy ontstaan en geskiedenis is nie meer bekend nie.) Op hierdie plaas het ’n selfonderhoudende skool ontstaan wie se leerders hoofsaaklik Gereformeerdes se kinders was. Die skool, en later die gemeente, is genoem na ene mnr. Bierman, die inspekteur van onderwys, hoewel ’n ander bron dit wil hê dat hy administrateur van Suidwes-Afrika was.
 
Op die plaas Urumube was geen kerkgebou nie; daarom moes die Gereformeerdes, wat meestal nasate van (of enkele oorspronklike) [[Dorslandtrek]]kers was wat van 1928 tot 1930 na Suidwes-Afrika gerepatrieer is, seile span waaronder hulle eredienste kon hou. Later is die skoolkoshuis se eetsaal vir dié doel ingespan. Destyds was die plaas en omgewing net ’n wyk van die [[Gereformeerde kerk Outjo]] en het dit die naam Vanjaarsveld-wyk gekry.
 
Omstreeks 1948 het bouwerk aan Vanjaarsveld-wyk se eie kerk gebingebou volgens die plan deur die argitek Max Ecker, ’n Duitser wat in die omgewing kom aftree het. Danie Oosthuizen was voorsitter van die boukommissie. Die wyk het £230 ingesamel vir die oprigting van hul eie kerkgebou. Volgens oorlewering het ’n lidmaat dié ingesamelde geld gevat en beeste gekoop en ’n windpomp vir homself laat oprig. Hy is toe gedwing om die hele gebou, wat in 1949 voltooi is, uit sy eie sak te laat oprig. Ds. [[Johan van Ryssen|J.W.J. van Ryssen]] het die ingebruikneming van die kerk in Februarie 1949 waargeneem. Hy was leraar van die [[Gereformeerde kerk Outjo]] van 1949 tot 1953.
 
In die Gereformeerde Kerk se eeufeesjaar (1959) het die gemeente Vanjaarsveld 91 belydende lidmate gehad. Einde 1997 was dit net 25, maar teen einde 2014 het dit toegeneem tot 45. Biermanskool val saam met [[Gereformeerde kerk Outjo|Outjo]], [[Gereformeerde kerk Aranos|Aranos]], [[Gereformeerde kerk Otjiwarongo|Otjiwarongo]], [[Gereformeerde kerk Namib-Kus|Namib-Kus]] en [[Gereformeerde kerk Khomas-Hoogland|Khomas-Hoogland]] onder die Klassis Waterberg, terwyl die ander 12 Namibiese gemeentes die Klassis Etosha vorm.