Gereformeerde kerk Walvisbaai: Verskil tussen weergawes

Die '''Gereformeerde kerk Walvisbaai''' is ’n [[Gereformeerde Kerke in Namibië|Gereformeerde gemeente]] op die [[Namibië|Namibiese]] dorp [[Walvisbaai]], maar dit sluit ook die nabygeleë [[Swakopmund]] in. Die [[Gereformeerde kerk Hentiesbaai]] het in 2006 van Walvisbaai afgestig, maar Walvisbaai se leraar is ook vir Hentiesbaai verantwoordelik.

Walvisbaai was eers ’n wyk van die [[Gereformeerde kerk Usakos]] , wat in 1953 afgestig het, waarskynlik van [[Gereformeerde kerk Windhoek|Windhoek]]. Tot 1955 is dienste op Walvisbaai in die Vrymesselaarslosie gehou en daarna in die Hofsaal, in lidmate se huis en in die Hoogenhout-skoolsaal. Die wyk het twee erwe van die munisipaliteit verkry teen £1 stuks. ’n Boufonds is gestig uit kerkgeld wat van die kerkraad van Usakos afkomstig was. In 1956 het Walvisbaai, saam met Swakopmund en Hentiesbaai, as selfstandige gemeente afgestig, met die gevolg dat so min lidmate in die gemeente Usakos oorgebly het, dit moes in vier jaar later ontbind.

In 1960 het die jong gemeente Jac H. van Zanten as argitek aangestel en J. Eisenberg as bouaannemer. In 1961 is ’n derde van die kerkgebou voltooi. Ses banke en ’n Nagmaaltafel is gemaak en 40 stoele is aangekoop. Ná geldinsameling en ’n skenking van ene ds. Bos van [[Nederland]], is die gebou in 1970 volgens die oorspronklike plan van die argitek voltooi. Ds. Bos het ook die kanselkleed geskenk.