Poznań: Verskil tussen weergawes
Content deleted Content added
kNo edit summary |
k Bygewerk |
||
Lyn 89:
Die historiese hoofstad van Groot-Pole (Pools ''Wielkopolska'') en huidige administratiewe sentrum van die [[Woiwodskap Groot-Pole]] het tot die vyfde grootste stedelike nedersetting in die land asook 'n beduidende kulturele, wetenskaplike, onderwys- en nywerheidsentrum ontwikkel. Poznań beskik oor 'n universiteit en is die belangrikste vervoersentrum langs een van die historiese hoofroetes wat [[Wes-Europa|Wes-]] en [[Oos-Europa]] met mekaar verbind. Die stad is halfpad tussen [[Berlyn]] en [[Warskou]] en 156 km van die Pools-Duitse grens af geleë.<ref>''Poznań 2012 - Report on the City''. Poznań 2012, bl. 4</ref> Naas die Internasionale Handelskou van Poznań, wat hier gereeld gehou word, het die stad ook as gasheer van die Verenigde Nasies se Konferensie oor Klimaatsverandering opgetree.
== Vervoer ==
Poznań is een van Pole se hoofvervoersentra en langs sewe grootpaaie van nasionale en internasionale belang geleë. Verskillende padbouprojekte is gewy aan die verbetering van die stad se vervoerinfrastruktuur. So sal 'n seksie van die A2-snelweg tussen Konopa naby Warskou en Świecko saam met 'n kringpad van 13,3 km in die suide van die stad as die hoofvervoerkorridor dien wat die Pools-Duitse grens, Poznań, Warskou en die grens met Wit-Rusland in Terespol verbind.
Poznań se Ławica-lughawe hanteer met sy moderne passasier- en lugvragterminale internasionale en nasionale vlugte met jaarliks sowat 1,5 miljoen passasiers. Gereelde vlugte verbind Poznań onder meer met Europese metropole soos [[Londen]], [[Madrid]], [[Rome]], [[Parys]] en [[Frankfurt am Main]]. Ook buite Poznań geleë is die militêre lugmagbasis Krzesiny.
== Verwysings ==
| |||