Gereformeerde kerk Vleuels: Verskil tussen weergawes

Content deleted Content added
Morne (besprekings | bydraes)
No edit summary
Morne (besprekings | bydraes)
No edit summary
Lyn 1:
Die '''Gereformeerde kerk Vleuels''' is sedert 2013, hoewel dit eers in 1942 gestig is, die oudste gemeente van die [[Gereformeerde Kerke in Suid-Afrika|GKSA]] in die [[Vrystaat]] se hoofstad, [[Bloemfontein]], nadat die [[Gereformeerde kerk Bloemfontein]] in 2013 ontbind het. Ook die derde oudste gemeente in die Rosestad, [[Gereformeerde kerk Bloemfontein-Oos|Bloemfontein-Oos]], het weens veranderende vestigingspatrone van Gereformeerdes ontbind, en wel in 2007.
 
== Stigting ==
Die gemeente wat sedert 2003 as Vleuels bekendstaan, het in 1942 van die [[Gereformeerde kerk Bloemfontein]] afgestig as die Gereformeerde kerk Bloemfontein-Wes. Die gemeente se kerkgebou is daarna opgerig op die hoek van Eerstelaan en Henrystraat, besonder na aan die moedergemeente se kerk op die hoek van Zastron- en Wes-Burgerstraat. Dit was die gemeente se kerkgebou tot 1998 toe ’n ontwikkelaar die grond gekoop het om ’n kantoorkompleks daarop op te rig. Die gemeente se motivering besluit om die ou kerk te verkoop was tweërlei: Enersyds het die instandhoudingskoste van die gebou hoog geraak; andersyds het min lidmate in die gebied naby die kerkgebou oorgebly namate die gemeente se grense met die jare weswaarts geskuif van Westdene na [[Brandwag, Bloemfontein|Brandwag]] en in die rigting van [[Universitas]] tot eindelik [[Langenhovenpark]].
 
== Nuwe kerksentrum ==
As tussentydse reëling is die gemeente se eredienste in die St. Michealskool in Brandwag se skoolsaal gehou en daarna in dieselfde skool se kapel. In dié tyd (2003) is besluit om die gemeente se naam te verander na Vleuels mom saam te val met die veranderende omstandighede en verskuiwing van die kerkgebou, hoewel die gemeentegrense steeds die weste van Bloemfontein beslaan het. Destyds het die gemeente 209 belydende en 44 dooplidmate gehad, vergeleke met 125 en 19 einde 2014. Bouwerk het toe begin aan die nuwe kerkgebou op die gemeente se erf in die westelike woonbuurt Langenhovenpark, waar reeds in 1984 ’n gemeente van die [[Nederduitse Gereformeerde Kerk|NG Kerk]] gestig is, [[NG gemeente Langenhovenpark]], wat einde 2014 1 686 belydende en 507 dooplidmate gehad het.
 
Uit die staanspoor was die doel om ’n gebou op te rig wat vir die hele gemeenskap tot nut kon wees; daarom is dit nie ’n konvensionele kerkgebou nie, maar ’n gemeentesentrum wat die hele week lank gebruik kan word. Dit kan dis benut word vir kursusse, seminare, opleiding, vergaderings, geleenthede, troues, ens. Die eerste fase het bestaan uit die hoofgebou (met die meerdoelige saal waarin eredienste gebou word) en die administrasieblok. In Maart 2002 is die gemeentesentrum plegtig betrek nadat die orrel uit die ou gebou, wat intussen geberg is, opnuut geïnstalleer is.