Gereformeerde kerk Kroonstad: Verskil tussen weergawes

Content deleted Content added
Morne (besprekings | bydraes)
No edit summary
Morne (besprekings | bydraes)
No edit summary
Lyn 5:
Die Gereformeerde kerk Kroonstad is op [[6 Junie]] [[1925]] met 69 belydende en 41 dooplidmate gestig as die vyfde Gereformeerde gemeente in die [[Noord-Vrystaat]]. In Maart 1929 besluit die kerkraad om ’n saal met sitplek vir 250 kerkgangers te bou. Ds. Jaco van Rooy het die hoeksteen met die wapenspreuk van die GKSA gelê: "Die poorte van die hel sal dit nie oorweldig nie." Die bouer was ’n lidmaat, F.J. Venter. Dié gebou is in 1946 verkoop, maar die hoeksteen het ’n plek in die voorportaal van die nuwe kerk gekry.
 
Destyds het die gemeente sterk gegroei. Dr. J.M. de Wet het die hoeksteen van die huidige kerkgebou op [[6 Maart]] [[1948]] gelê. Die inskripsie daarop lui: "Ebenhaeser – tot hiertoe het die Here ons gehelp." Die argitekte [[Gerard Moerdyk]] en [[Henry Watson]] is gevra om die plan te teken van ’n gebou met sitplek vir tussen 400 en 500 kerkgangers. In Mei 1947 het die kerkraad die laagste tender, dié van £16 500 van die firma Duursema & Duursema van Kroonstad toegeken.
 
Soos in talle van sy kerkontwerpe, het Moerdyk ook hier ruimskoots van simboliek gebruik gemaak. Die grondplan is byvoorbeeld in ’n kruisvorm; daarom omarm die galery die preekstoel. Houtstawe agter die kansel suggereer drie kruise. Vandaar af strek ’n tong na bo na aanleiding van Rom. 10:14 en bo-oor die tong is ’n son met strale, soos versinnebeeld in Psalm 119:130. Die oorspronklike interieur het nie kerkbanke gehad nie, maar opslaanstoele soos in ’n destydse bioskoop of operahuis, die sogenaamde ''opera seats''.