Rand Daily Mail: Verskil tussen weergawes

 

Die koerant is gestig deur Henry Freeman Cohen, met [[Edgar Wallace]] as eerste redakteur. In [[1904]] neem die [[Johannesburg]]se mynmagnaat [[Abe Bailey]] die koerant oor en in [[1906]] word die ''[[Sunday Times]]'' bekend gestel. Die ''Rand Daily Mail'' het in [[1910]] in samewerking met die ''[[Cape Argus]]'' en ''[[Cape Times]]'' 'n vennootskap met die nuusagentskap [[Reuters]] gesluit om 'n plaaslike nuusagentskap te begin. Die het in [[1915]] die ''[[Transvaal Leader]]'' geabsorbeer.

 

Die ''Rand Daily Mail'' was die eerste koerant in [[Suid-Afrika]] wat die probleme van swart mense aangespreek het en het baie van die skandale ontrafel waarin die destydse [[Apartheid]]sregering hom bevind het. Die grootste hiervan was die sogenaamde [[Inligtingskandaal]] wat op [[3 November]] [[1978]] deur die koerant aan die lig gebring is toe die ''Mail'' berig het dat regeringsfondse gebruik is om die ''[[Washington Star]]'' uit te koop en ''[[The Citizen]]'' te begin. Selfs in [[1960]] met die slagting by [[Sharpeville]] was dit die ''Mail'' wat die storie gebreek het en die koerant was ook die eerste wat die toestande in Suid-Afrikaanse tronke rugbaar gemaak het.

 

Die ''Mail'' se ondergang het begin toe 'n strategie ingevoer is om meer welgestelde (in daardie dae meesal wit) en vroulike lesers te lok, laasgenoemde omdat hulle kwansuis die grootste inspraak in huishoudelike aankope gehad het. Die strategie het egter klaaglik misluk, die koerant het geld begin verloor en ten einde die [[South African Associated Newspapers]] van ondergang te red, is die ''Mail'', op aandrag van die [[Anglo-American Corporation]], wat 'n meerderheidsaandeel in S.A.A.N. besit het, op [[30 April]] [[1985]] gesluit. Hy het toe meer as twee derdes swart lesers gehad, nie 'n baie aantreklike mark vir adverteerders tydens die apartheidsera nie.

 

Van die beroemde redakteurs wat by die ''Mail'' betrokke was, was [[Alister Sparks]], [[Laurence Gandar]] en [[Raymond Louw]]. Na die sluiting van die ''Mail'' het verslaggewers soos Irwin Manoim en Anton Harber die ''[[Weekly Mail]]'' begin, wat tans bekend staan as die ''[[Mail & Guardian]]''. 'n Ander voortvloeisel uit die ''Mail'' was ''[[Business Day]]'', wat ook deur oudpersoneellede van die ''Mail'' begin is.

 

By S.A.A.N. was die hoofgebruikers van die maatskappy se produksie-, bestuurs-, sirkulasie- en advertensieafdeling die ''Mail'', ''[[Sunday Times]]'' en ''[[Sunday Express]]''. Koste is aan elke koerant toegewys op grond van hulle gebruik van die geriewe, maar die koste wat aan die ''Mail'' toegesê is, is geheel en al verkeerd bereken. Met die sluiting van die ''Mail'' op [[30 April]] [[1985]] was die maatskappy se oortrokke rekening R10 miljoen. Slegs 'n maand later, sonder die ''Mail'' om die verkeerd berekende en oorskatte koste aan sy kant te absorbeer, het die oortrokke rekening toegeneem tot R40 miljoen (met ander woorde die ''Mail'' het in werklikheid 'n aansienlike wins getoon) en is die maatskappy verplig om sy gebou en drukkerye te verkoop net om staande te bly.

 

Selfs die [[Afrikaans]]e pers het gekla oor die sluiting van die ''Mail'', want hulle het elke uitgawe van die ''Mail'' verslind vir storie-idees oor hoe hulle die opposisie kon aanval. Skielik was die bron iets van die verlede. Maar dit was nie die enigste Afrikaners wat die koerant gelees het nie. 21% van sy lesers was Afrikaanssprekendes wat die koerant gelees het, want, soos hulle aan [[Raymond Louw]], oudredakteur, gesê het: "Ons glo nie alles wat die regering vir ons vertel nie; ons wil weet wat aangaan en ons wil ook weet wat die ander kant dink." Buitelandse korrespondente het met die hande in die hare gesit oor die verlies van 'n betroubare bron vir hulle verslae oor wat in [[Suid-Afrika]] gebeur.

 

 

 

Die ''Mail'' se sirkulasie was 144 284 in [[1973]] en 109 819 in [[1982]], steeds naas ''[[The Star]]'' met 178 975 in daardie jaar die grootste dagblad in die land.

 

 

== Verwysings ==

{{Verwysings}}

 

* [http://themediaonline.co.za/2013/07/preserving-the-rand-daily-mail/ ''Preserving the Rand Daily Mail''], The Media Online, 24 Julie 2013. URL besoek op 25 Julie 2013.

 

 

[[Kategorie:Suid-Afrikaanse koerante]]