Mein Kampf: Verskil tussen weergawes

Van die "volksuitgawe", wat in een boekdeel verskyn het, is tot by Hitler se magsoorname in Januarie 1933 287&nbsp;000 eksemplare teen 'n prys van 12 Reichsmark verkoop. Hitler se tantieme daarop was tien persent. Die boek het daarna 'n blitsverkoper geword. In die tydperk tussen Februarie en 31 Desember 1933 is sowat 1,5 miljoen eksemplare verkoop. 'n Spesiale uitgawe in blindeskrif het in dieselfde jaar verskyn. Vanaf 1936 het Duitse pare by hulle bruilof ''Mein Kampf'' in plaas van die Bybel as huweliksgeskenk ontvang.<ref>Der Tagesspiegel ([[Berlyn]]): [http://www.tagesspiegel.de/dritte-seite/archiv/03.08.2003/682127.asp Was erbt Hitlers Familie? (3 April 2003)] Besoek op 25 Mei 2007</ref> In 1939 het die totale oplaag 5,45 miljoen eksemplare beloop, in 1943 10,24 miljoen. Die boek is grotendeels as huweliksgeskenk deur die staat versprei. Om hierdie winsgewende verkope te beskerm, is danksy Hitler se invloed 'n wet verorden, waarvolgens die boek nie tweedehands verkoop moes word nie - anders sou huwelikspare hulle eksemplare moontlik aan antikwariate verkoop het.

 

 

''Kavgam'', die Turkse vertaling van ''Mein Kampf'', is in laat 2004 byna gelyktydig deur vyftien [[Turkye|Turkse]] uitgewers gepubliseer en teen lae pryse verkoop. Na ramings is tussen 50&nbsp;000 en 100&nbsp;000 eksemplare verkoop. In 'n nawoord word die Koerde as 'n etniese groep beskryf wat nou verwant aan die Joodse volk sou wees.