Doris Day: Verskil tussen weergawes

Content deleted Content added
Jcwf (besprekings | bydraes)
No edit summary
+Beeld, +verwysings-afdeling, ens.
Lyn 13:
| Beroep = Aktrise, sangeres, diereregteaktivis
| Noemenswaardige rolprente =
| Webwerf = http://www.dorisday.com/
| imdb = 13
| Toekennings =
}}
 
'''Doris Day''' (gebore as '''Doris Mary Ann Kappelhoff''' op [[3 April]] [[1922]]<ref>Doris het self beweer dat sy in 1924 gebore is, maar die amptelike dokumente sê 1922</ref>) is 'n [[Verenigde State|Amerikaanse]] aktrise, sangeres en diereregteaktivis.
 
Doris Day het haar loopbaan in 1939 as sangeres in 'n ''big band'' begin. In 1945 het sy bekendheid verwerverwerf met haar eerste groot treffer, ''Sentimental Journey''. Nadat sy haar groep, ''Les Brown & His Band of Renown'' verlaat het om 'n loopbaan as solo-sangeres aan te durf, het sy 'n platekontrak met ''Columbia Records'' gesluit wat haar enigste etiket sou bly. Die kontrak het twintig jaar lank, van 1947 tot 1967, geduur en meer as 650 opnames ingesluit wat van Doris Day een van die gewildste en mees bekroonde musikale kunstenaars van die 20ste eeu gemaak het. In 1948 het Sammy Cahn, Jule Styne en haar destydse agent, Al Levy, haar oorreed om 'n oudisie vir die regisseur Michael Curtiz te doen. Dit was suksesvol genoeg om haar die vroulike hoofrol in ''Romance on the High Seas'' te besorg.
 
Deur die loop van haar loopbaan het Doris Day in 39 rolprente opgetree. Sy is in vier jare (1960, 1962, 1963 en 1964) as die gewildste fliekster geranglys - as enigste vrou op dié lys - en was tien jaar lank (tussen 1951 en 1952 en nog eens tussen 1959 en 1966) onder die top tien akteurs. Day het die suksesvolste aktrise ooit geword en word tans sesde geranglys op die top-tienlys van die suksesvolste flieksterre. Vir haar rol in ''Pillow Talk'' is sy vir 'n ''Academy Award ([[Oscar]])'' genomineer, en sy het drie ''Henrietta Awards (World Film Favorite)'' en die ''Los Angeles Film Critics Associaton'' se ''Career Achievement Award'' gewen. In 1989 is die ''Cecil B. DeMille Award'' vir haar lewenswerk in die filmbedryf aan haar toegeken. In 1968 het sy in haar laaste rolprent gespeel.
 
[[Lêer:DorisDay1951-1952.jpg|duimnael|links|Doris Day aan boord die USS Juneau, ongeveer 1953]]
 
As sangeres het Doris Day 31 albums vrygestel, en haar liedjies het altesaam 460 weke lank die top 40-trefferlys gehaal. Haar musikale lewenswerk is met 'n ''Grammy Lifetime Achievement Award'' en 'n ''Legend Award'' van die ''Society of Singers'' bekroon. In 2011 het sy haar 29ste ateljee-album, ''My Heart'', vrygestel wat die negende plek op die [[Verenigde Koninkryk]] se top 40-trefferlys gehaal het. In Februarie 2014 was sy steeds die oudste lewende kunstenaar wat met 'n langspeler en nuwe ateljeemateriaal die Verenigde Koninkryk se top tien-trefferlys kon bereik.
 
Haar verbintenis tot die welsyn van diere het sy in 1971 as mede-stigter van ''Actors and Others for Animals'' bevestig. Sy het haar eie nie-winsgewende dierevereniging, die ''Doris Day Animal Foundation'', in die laat 1970's in die lewe geroep en later die ''Doris Day Animal League'' gestig. In 1994 het die ''Doris Day Animal League'' die laaste Dinsdag in Februarie tot ''Spay Day'' verklaar, 'n waarnemingsdag wat mense bewus maak van vraagstukke verbonde aan diere-oorbevolking in die Verenigde State. Die liga werk tans met die Amerikaanse ''Humane Society'' saam en is steeds een van die leidende drukgroepe in die land.
 
Vir die groot verdienste, wat sy aan haar land gelewer het, het president [[George W. Bush]] in 2004 die Presidensiële Vryheidsmedalje aan Doris Day toegeken. Doris Day het finaal afgetree as aktrise en sangeres, maar beywer haar steeds vir die regte en welsyn van diere. Sy woon tans in [[Carmel-by-the-Sea]], 'n kusoord in [[Kalifornië]].
 
== Verwysings ==
{{DEFAULTSORT:Day, Doris}}
{{Commonskat|Doris Day}}
{{Verwysings}}
 
{{DEFAULTSORT:Day, Doris}}
[[Kategorie:Amerikaanse akteurs]]
[[Kategorie:Amerikaanse sangers]]