Markteater: Verskil tussen weergawes

| Webtuiste = [http://markettheatre.co.za/ The Market]

}}

Die '''Markteater''' is geleë in Newtown, [[Johannesburg]]. Dit is in 1976 geopen as ’n onafhanklike, nierassige teater tydens die [[apartheid]]sjare. Dit is genoem na die mark wat voorheen op die plek gestaan het, ook bekend as die Ou Indiërmark of die Newtownse Mark, wat ná 60 jare na ’n ander deel van die stad verskuif het.<ref>{{cite web|url=http://www.southafrica.info/about/arts/615856.htm |title=The Market Theatre |publisher=SouthAfrica.info |date= |accessdate=2012-06-16}}</ref>

 

In 1974 het ’n groep teaterkunstenaars, onder andere die regisseur [[Barney Simon]] en vervaardiger [[Mannie Manim]], The Company gestig. Hulle het geld begin insamel om die verwaarloosde kompleks waar die mark voorheen geleë was, op te knap. Die staalkonstruksie wat daar gestaan het, is in 1913 opgerig en is beskou as een van die belangrikste voorbeelde van organiese argitektuur in Suid-Afrika. Op Sondae is die hoofsaal gebruik vir simfoniekonserte.

 

Ook die Afrikaanse protesstem is in die teater gehoor, van die vroeë [[Pieter-Dirk Uys]]-werke (soos ''Die Van Aardes van Grootoor'', die eerste produksie in die [[Laager]] in 1978), ''Wieretuin'' (Johan van Wyk en Chris Pretorius) in 1980, die verwerking vir die verhoog van ''Poppie Nongena'' (1980) en [[David Kramer]] se optredes tot die waaghalsige kabarette van [[Hennie Aucamp]] in die laat 1980's.<ref>[http://152.111.1.88/argief/berigte/beeld/2001/09/28/11/4.html Markteater 25, Beeld, 28 September 2001] URL besoek op 23 Februarie 2013</ref>

 

In 1994 het die Markteater die [[VSA|Amerikaanse]] Jujamcyn-prys ontvang vir ’n teaterorganisasie wat ’n buitengewone bydrae gemaak het tot die ontwikkeling van kreatiewe talent vir teater. Tydens sy geskiedenis het die teater 21 internasionale en meer as 300 Suid-Afrikaanse pryse ontvang, baie daarvan [http://www.fdcawards.co.za/ Fleur de Cap] en [http://www.naleditheatreawards.org.za Naledi-teaterpryse].

 

Die Markteater het drie ruimtes: die Barney Simon-teater (120 sitplekke, geopen in Junie 1976), die John Kani-teater (die ou Hoofteater; 387 sitplekke; Oktober 1976) en die Laager-teater (1979). Die teaters word ook gebruik vir konferensies, seminare, voorleggings en produkbekendstellings.

 

Daar is ook twee kunsgalerye, twee restaurante, ’n jazzklub, kabaretruimte, boekwinkel, koffiekroeg, teaterkroeg, winkelkompleks en 'n vlooimark elke Saterdag.

 

{{Verwysings}}

 

* [http://www.markettheatre.co.za Die Markteater]

* [http://www.encounter.co.za/article/54.html "The Theatre That Reflects the Soul of Johannesburg"]

* [http://www.southafrica.info/about/arts/615856.htm Inligting oor Suid-Afrika]

 

[[Kategorie:Suid-Afrikaanse teaters]]