Aarde: Verskil tussen weergawes

Die Aarde is in wisselwerking met ander voorwerpe in die ruimte, soos die Son en die [[Maan]]. Tydens elke omwenteling om die Son draai die planeet ook ongeveer 365,26 keer om sy eie as;<ref group=nota>Hierdie "as" is 'n denkbeeldige lyn wat van die Noord- na die Suidpool loop.</ref> hierdie tydperk staan as 'n sterrejaar bekend.<ref group=nota>Die aantal sonnedae in 'n jaar is 1 minder as die aantal sterredae, omdat die wentelende beweging van die Aarde om die Son 'n ekstra omwenteling van die planeet om sy eie as tot gevolg het.</ref> Die Aarde het 'n skuins as: dit lê teen 'n helling van 66,6º ten opsigte van sy [[sonnebaan]] (die baan waarin die planeet om die son wentel). Dié helling het die verskillende seisoene tot gevolg. Die Aarde se enigste werklike [[natuurlike satelliet]], die [[Maan]]. Dié vergroot die [[getye]] van die oseane, stabiliseer die Aarde se as en vertraag stadigaan die planeet se draaiing.