Die '''San-en-Khoi-[[volksmoord]]gedenkteken (1702-1809)''' (Engels: ''San and Khoi genocide memorial'') herdenkgedenk die gesneuweldes van die [[Boesman|San]] en [[Khoikhoi|Khoi]] in hul vryheidstryd. Hierdie monument staan op 'n koppie buite [[Graaff-Reinet]] op die pad na [[Port Elizabeth]] en wil erkenning gee aan die San en Khoi as die eerste inheemse mense wat 'n stryd gevoer het om Suid-Afrika te bevry. Veral die rol van Kabo, Heikon, Ndlambe en Makana as leiers in die strewe na geregtigheid, vrede en vryheid word herdenk. Hierdie gedenkteken is op 17 Maart 2006 onthul deur mev. Nomsa Jajula, die Lid van die Uitvoerende Raad vir Sport, Ontspanning en Kultuur van die Provinsie Oos-Kaapland.
