Maak hoofkeuseskerm oop

Wysigings

k
Hersien
Die '''Republiek van Singapoer''' is die kleinste land in Suidoos-Asië met 'n oppervlakte van 704 vierkante kilometer en 5,4 miljoen inwoners (2013). Singapoer is 'n eiland- en stadstaat wat behalwe vir die hoofeiland Singapoer uit 63 kleiner eilande bestaan. Met sy strategiese ligging het Singapoer reeds vir die Britte as 'n belangrike seehawe gedien waarvandaan hulle die Seestraat van Malakka kon oorheers.
 
Toe Singapoer-eiland in [[1819]] danksy sir Thomas Stamford Raffles onder Britse bewind gekom het, het sy bevolking slegs 150 mense beloop. Nogtans was ''Singapura'' (letterlik "Die Leeustad") reeds in die [[14de eeu]] 'n beduidende nedersetting wat as gevolg van die oorloë tussen die koninkryke Madjapahit ([[Java (eiland)|Java]], [[Indonesië]]) en Siam (die huidige [[Thailand]]) verniel is.
 
Die moderne Singapoer het volgens 'n plan ontstaan wat deur sir Thomas Stamford Raffles persoonlik ontwerp is. Die stad het tot by die jaar [[1959]] 'n Britse besitting gebly en het daarna volgens 'n ooreenkoms 'n selfregerende stad gevorm. Singapoer het in [[1963]] by die Federasie van Maleisië aangesluit, maar etniese en ander geskille het tot die afskeiding van [[Maleisië]] gelei, sodat Singapoer in [[1965]] 'n onafhanklike republiek geword het.
 
Die stad word vandag as een van die merkwaardigste ekonomiese en industriële suksesse beskou.<ref>Stonehouse, Dr. Bernard (red.): ''Philips' Illustrated Atlas of the World''. Londen: Guild Publishing 1985, bl. 93</ref> Singapoer se ekonomie, wat naas die nywerheidsektor op sy seehawe en vryehandel steun, was steeds op die wêreldmark gemik. Dit is 'n moderne stad met [[wolkekrabber]]s in sy sentrum en is die digbevolkste land in Suidoos-Asië, wat met sy besige seehawe tot die logistieke en handelsentrum van die streek ontwikkel het.
 
Die fenomenale ekonomiese groei van Singapoer was steeds aan die outoritêre bewind van die ''People's Action Party (PAP)'' gekoppel wat volgens sy beleid van 'n sosialistiese markekonomie 'n moderne welvaartstaat geskep het, maar het as gevolg van Singapoer se verkiesingswette die parlement al dekades lank oorheers en ook in die verkiesing van [[6 Mei]] [[2006]] weer 'n oorweldigende meerderheid van 82 setels in die parlement behaal, teenoor slegs een setel elk vir die twee opposisiepartye ''Workers' Party'' en ''Singapore Democratic Alliance''.<ref>''Der Fischer Weltalmanach 2007'', bl. 441</ref>
 
Singapoer se strafwette, waarvolgens die doodstraf onder meer vir die onwettige besit van bepaalde hoeveelhede dwelmmiddels outomaties opgelê word, word veral deur Westerse regerings en organisasies gekritiseer. In verhouding tot sy bevolking is in Singapoer sedert [[1991]] die hoogste aantal teregstellings aangeteken.<ref>[http://www.amnesty.org/en/library/info/ASA36/001/2004 ''Amnesty International: Singapore - The death penalty: A hidden toll of executions'']</ref>
 
Die inwoners van Singapoer is 'n mengelmoes van verskillende etniese groepe, alhoewel etniese Sjinese meer as driekwart van die totale bevolking verteenwoordig. Ander belangrike groepe sluit Maleiers, Indiërs, Pakistani's en Sri Lankane in. Meer as veertig persent van die bevolking is Boeddhiste, terwyl Moslems en Christene 14 persent, Taoïste sowat agt en Hindoes vier persent van die bevolking verteenwoordig.
 
Singapoer is naas die [[Republiek van Sjina|Republiek van Sjina op Taiwan]] een van twee gebiede buite die Sjinese stamland wat in politieke opsig deur [[Han-Sjinese]] oorheers word.<ref>Schöller, Peter; Heiner Dürr en Eckart Dege (reds.): ''Fischer Länderkunde. Boekdeel 1: Ostasien''. Frankfurt am Main: Fischer Taschenbuch Verlag 1987, bl. 211</ref>
 
== Etimologie ==
Die vroegste verwysing na Singapoer dateer uit die [[3de eeu]]; die Sjinese teks bevat 'n Sjinese vertaling (''Puluozhong'') van die Maleise pleknaam ''Pulau Ujong''. Albei beteken letterlik "eiland by die uithoek van die skiereiland".<ref>[http://www.sg/explore/history.htm ''Singapore Infomap: Nation's history - Early names'']</ref>
 
Die Sjinese handelaar Wang Dayuan, wat in [[1330]] 'n besoek aan Singapoer-eiland afgelê het, het die plaaslike nedersetting se naam as ''Danmaxi'' gegee, en volgens sy verhaal het destyds al Sjinese op die eiland gebly. Die Oud-Javaanse teks ''Nagarakretagama'' uit die jaar [[1365]], 'n lofspraak vir Hayam Wuruk, die heerser van die Majapahit-ryk, verwys na 'n nedersetting op Singapoer-eiland met die naam ''Temasek'' of "Waterstad".
 
Die naam Singapoer is 'n samestelling van twee [[Sanskrit]]-woorde, ''singha'' (सिंह, letterlik "leeu") en ''pura'' (पुर, "stad"), en beteken dus letterlik "Leeustad".
 
In die [[7de eeu|7de]] en [[8de8ste eeu]] het die destydse vorstedom aanvanklik as Temasek of "Stad by die See" bekend gestaan. Volgens 'n legende in die Maleier-kronieke het Sang Nila Utama, 'n Hindoe-prins uit Soematra, in die 14de eeu na Temasek gevlug. Hy het vanweë sy huwelik met 'n Boeddhistiese prinses van die eiland [[Java (eiland)|Java]] by die politieke geskille tussen die Hindoe-ryk Srivijaya op die eiland Soematra en die Boeddhistiese Majapahit-ryk betrokke geraak.
 
Na bewering het die prins in die digte plaaslike oerwoud 'n leeu raakgesien, maar daar word aangeneem dat hy eerder 'n tier gesien het aangesien leeus hier nie voorkom nie. Nogtans het die prins die nedersetting vervolgens "Leeustad" genoem.
Vanweë die relatief klein landoppervlakte is sowat 55 persent van die stadsgebied bebou met woonstelblokke en huise, fabrieke, paaie en ander fasiliteite. Die natuurgebiede, wat 45 persent van die oppervlakte beslaan, bestaan hoofsaaklik uit moerasgebiede, bosreservate, parke en natuurbewaringsgebiede. Slegs drie persent hiervan word vir landboudoeleindes gebruik. Die verbouing van rubberbome (''Hevea brasiliensis'', of Para-rubberboom, 'n spesies wat inheems aan [[Brasilië]] is en in die 19de eeu in Suidoos-Asië ingevoer is) was vroeër die ekonomiese basis van Singapoer, maar speel vandag geen noemenswaardige rol meer nie. Moderne agrobedrywe voorsien tans in Singapoer se behoefte aan vars landbouprodukte.
 
[[Lêer:Changi beach.jpg|thumbduimnael|links|250px|Changi Beach Park, een van Singapoer se natuurgebiede]]
Singapoer se belangrikste landskapsvorme is klein heuwels (die hoogste hiervan, die Bukit Timah, bereik 'n hoogte van 164 meter bo [[seevlak]]) en valleie wat in die weste en suidweste diep ingekeepte ravyne vorm. Die kusgebiede bestaan hoofsaaklik uit vlaktes en plato's, met enkele steil rotswande op sommige plekke.
 
Singapoer se regering beywer hom in internasionale organisasies soos die [[Wêreldhandelsorganisasie]] (WHO), [[ASEAN]], APEC en ASEM vir ekonomiese liberalisering en ope markte vir goedere en dienste. Die land pleit vir multilateralisme volgens bepaalde reëls en die vorming van ope streeksgebonde handelsblokke. Singapoer is gevolglik een van die dryfkragte agter die ASEAN Vryhandelsone (Afta).
 
Tweesydige vryhandelsooreenkomste (Engels: ''free trade agreements'', ''FTA'') word as 'n instrument beskou wat die multilaterale ekonomiese beleid aanvul en sy toepassing bespoedig. FTAs is al met [[Nieu-Seeland]], [[Japan]], die [[Europese Vryhandelsvereniging]] (EFTA), [[Australië]], die [[Verenigde State]], [[Jordanië]], [[Indië]], [[Suid-Korea]] en [[Panama]] onderteken. Onderhandelinge vind tans met onder meer [[Kanada]], [[Meksiko]], [[Egipte]] en sedert die middel van [[2007]] met die [[Europese Unie]] plaas.
 
=== Ekonomiese sektore ===
[[Lêer:Downtown Singapore.jpg|thumb|250pxduimnael|''Downtown Core'', Singapoer se sakekern]]
Die beduidendste ekonomiese bedrywe is die elektroniese en petroleumnywerhede, masjienbou en toerusting (veral boortoerusting vir die ruolie-ontginning), skeepsherstelwerk, biotegnologie en farmaseutiese nywerhede.
 
 
=== Buitelandse handel ===
[[Lêer:Orchard Road light up Xmas 2005.JPG|thumb|250pxduimnael|Kersfeesversierings in Orchard-straat. Danksy doeanevrye invoere lok Singapoer se winkelsentrums talle buitelandse toeriste]]
Die hoofsaaklike in- en uitvoere is masjiene en toerusting soos elektroniese komponente, ruolieprodukte en chemikalieë. Vanweë sy gunstige geografiese ligging en sy eersterangse hawegeriewe het Singapoer naas [[Hongkong]] tot die wêreld se beduidendste houerhawe ontwikkel.