Groot-Brittanje: Verskil tussen weergawes

[[Lêer:Satellite image of Great Britain and Northern Ireland in April 2002.jpg|thumbduimnael|links|upright|Satellietbeeld van Groot-Brittanje.]]

'''Groot-Brittanje''' ([[Engels]]: ''Great Britain'', [[Wallies]]: ''Prydain Fawr'', [[Skots-Gaelies]]: ''Breatainn Mhòr'', [[Skots]]: ''Great Breetain'', [[Kornies]]: ''Breten Veur''; dikwels verkort na slegs '''Brittanje''') is die grootste [[eiland]] van die [[Britse Eilande]], die grootste eiland in [[Europa]] en die agtste grootste eiland ter wêreld. Dit is geleë aan die weskus van die vasteland van [[Europa]] en is die hoofgebied van die [[Verenigde Koninkryk]].

Die term Groot-Brittanje word ook gebruik as 'n politieke term wat die kombinasie van [[Engeland]], [[Skotland]] en [[Wallis]] beskryf, die drie nasies wat saam die hele eiland beslaan, alhoewel elkeen addisionele kleiner eilande insluit. Die term ''[[Brittanje]]'' word soms gebruik wanneer ''Groot-Brittanje'' bedoel word, en beide word gebruik om na die [[Verenigde Koninkryk]] te verwys, wat ook [[Noord-Ierland]] insluit. ''Groot-Brittanje'' word mees algemeen gebruik as 'n verkorting vir die ellelange "Verenigde Koninkryk van ''Groot-Brittanje'' en Noord-Ierland". Alhoewel dit onakkuraat is, word dié afkorting gereeld deur amptelike liggame as sinoniem vir die VK in sommige kontekste gebruik. (Daar word byvoorbeeld na die VK-span wat in die [[Olimpiese Spele]] deelneem verwys as 'Team GB', en die VK gebruik die Internasionale nommerplaatkode 'GB').