Otjimbingwe: Verskil tussen weergawes

Die [[Rynse Sendinggenootskap]] het die nedersetting as middelpunt vir hulle Namibiese bedrywighede van 1849 af gebruik. Johannes Rath en sy gesin vestig hulle op [[11 Julie]] [[1849]] daar en in 1864 word dit 'n amptelike nedersetting. Die Rynse kerk, wat van 1867 dateer, is vandag nog een van die plekkie se vernaamste aantreklikhede.

Onder beheer van rykskommissaris dr. [[Heinrich Göring|Ernst Heinrich Göring]] word die nedersetting laat in die dekade na 1880 die setel van die Duitse administrasie. (Göring se seun, veldmaarskalk [[Hermann Göring]], is terloops in [[1893]] gebore terwyl sy vader met tuisverlof was en het wêreldwye berugtheid verwerf as stigter van die [[Gestapo]] voor die [[Tweede Wêreldoorlog]] en die uitvinder van die [[konsentrasiekampe]] waarin miljoen [[Jode]], [[gay]]s, [[Roma|Sinti en Roma]] en ander "ongewenste mense" uitgewis is.)

Vanweë opstande deur die inheemse bevolking moes die regeringsetel twee maal na [[Walvisbaai]] verskuif word, maar nadat die [[Schutztruppe]] aldaar aangeland het en hulle op Otjimbingwe gestasioneer is, het die nedersetting hom gevestig as "Hauptstadt von Deutsch-Südwest". Hier is in 1888 die eerste poskantoor opgerig en die eerste seëls, met die stempel "Otyimbingue", uitgereik.