Beaconsfield: Verskil tussen weergawes

'''Beaconsfield''' is 'n groot voorstad in die suidoostelike uithoek van [[Kimberley]], die hoofstad van die [[Noord-Kaap]], [[Suid-Afrika]]. Dit was 'n afsonderlike munisipaliteit tot dit feitlik deel geword het van die aanliggende Diamantstad vanweë die snelle uitbreiding van laasgenoemde en toe in 1912 amptelik ingelyf is by Kimberley se munisipale gebied. Die [[Sewendedagadventisme|Sewendedagadventistekerk in Suider-Afrika]] het in 1887 in Beaconsfield ontstaan.

 

Beaconsfield lê noordoos van Kimberley se stasie en aan die spoorlyn van die [[Kaapstad|Kaap]] na [[Johannesburg]] en [[Zimbabwe]]. Die dorpsgebied het ontstaan vanweë die ontdekking van [[diamant]]e in 1870 op die plaas Dorsfontein. Dit het eers bekendgestaan as Dutoitspan, vandag nog die naam van die [[NG gemeente Dutoitspan|plaaslike NG gemeente]] wat in 1872 hier gestig is, nes die [[NG gemeente Kimberley]] in [[New Park|Newton]] in die stad self. Dutoitspan is genoem na Abraham Paulus du Toit, die eienaar van die plaas, en 'n laagliggende pan in die nabyheid van die opstal. Die myn, soos die NG gemeente hier, dra nog die naam Dutoitspan, maar die dorpsgbied is later Beaconsfield genoem ter ere van lord Beaconsfield, die indertydse [[Groot-Brittanje|Britse]] premier.

 

In die middel van die 20ste eeu en daarna is talle van die krotbuurte in Beaconsfield opgeruim. 'n Interessante kenmerk van die voorstad is die gebruik van die woord "plek" (Engels: ''place'') pleks van "weg" of "straat" by straatname. So is die NG kerk Dutoitspan byvoorbeeld geleë op die hoek van Rose- en Dyerplek. Die destydse magistraatshof en aanliggende tronk het later onderskeidelik die pos- en polisiekantoor geword. Die munisipale biblioteek is nog 'n gebou in 'n vroeë argitektoniese styl. Beaconsfield het talle geskiedkundige kerkgeboue. All Saints was die eerste permanente Anglikaanse kerk in Kimberley, terwyl die kerk van die Sewendedagadventiste, opgerig van sinkplate op die hoek van Blackingstraat en Dyerplek, die eerste kerk van dié kerkverband in Suid-Afrika was en dus die moederkerk daarvan in [[Afrika]] sowel as [[Australië]].

 

Pieter Wessels, eienaar van die plaas Benoudheidsfontein, het in 1885 uit die [[Gereformeerde Kerke in Suid-Afrika|Gereformeerde Kerk]] bedank om Saterdag as die sabbatdag waar te neem. Eindelik het agt gesinne sy voorbeeld gevolg, onder wie ook N.J. de Beer, oudste seun van Johannes Nicolaas de Beer, aan wie De Beers Consolidated Mines sy naam te danke het. 'n Mynwerker, William Hunt, van die [[Verenigde State van Amerika|Amerikaanse]] deelstaat [[Nevada]], het nadat hy op die diamantveld aangekom het uit [[Australië]], die afgesonderde geloofsgemeenskappie aan [[Sewendedagadventisme]] bekendgestel en later het Amerikaanse predikante na die diamantveld gekom om hulle te bedien. In die tyd toe die sinkkerk gebou is, het Wessels sy plaas vir £350 000 aan die De Beers-maatskappy verkoop en daarna is dit Wesselton-myn genoem. Sewendedagadventisme het wêreldwyd hierby baat gevind danksy skenkings van Wessels en so kon die beweging in 13 afdelings in talle wêrelddele georganiseer word.

 

Wessels en sy broer het sendingwerk onder swart mense gereël, die oprigting van die kerkgebou in Roelandstraat, [[Kaapstad]], gefinansier asook die Kellogg-sanatorium in die VSA en 'n tehuis vir gevalle meisies in [[Chicago]]. Hunt het later teruggekeer na Australië, waar hy die baanbreker van die Sewendedagadventisme was. In [[Rhodesië]] het [[Cecil John Rhodes]] grond aan dié kerkverband geskenk.

 

== Bron ==