Johannes Nicolaas de Beer: Verskil tussen weergawes
Content deleted Content added
Skakel |
Morne (besprekings | bydraes) No edit summary |
||
Lyn 1:
'''Johannes Nicolaas de Beer''' ([[Graaff-Reinet]], [[6 Desember]] [[1830]] – Smitskraal, [[Hertzogville]], [[20 Junie]] [[1883]]) was die eienaar van 'n diamantplaas by [[Kimberley]] en die man aan die wie se van die naam van die mynmaatskappy [[De Beers|''De Beers Consolidated Diamond Mines'']] ontleen is.
De Beer was die seun van Johannes Nicolaas de Beer en sy vrou, Engela Catharina Kruger. Kleintyd het hy saam met sy ouers tot noord van die [[Oranjerivier]] getrek. Niks is meer bekend oor sy vroeë lewe nie, behalwe dat hy aangeneem is as lid van die [[Nederduitse Gereformeerde Kerk]] op Rietrivier (tans die [[NG gemeente Fauresmith]]) toe di. [[Andrew Murray sr.]] en [[P.K. Albertyn]] die distrik besoek het. Drie jaar later is hy getroud met Susanna Steenkamp, dogter van Gerhardus en Wilhelmina Steenkamp. Na bewering was sy vrou 'n mens met 'n sterk wilskrag wat die sakevernuf in die gesin gehad het en deur wie se toedoen hy hom by die [[Gereformeerde Kerke in Suid-Afrika|Gereformeerde Kerk]] aangesluit het. Hulle het vyf seuns en vyf dogters gehad.
In 1863 het De Beer en sy oudste broer, Diederik Arnoldus, gesamentlik die helfte van die onderverdeelde plaas Bultfontein in die westelike deel van die voormalige Oranjerivier-Soewereiniteit gekoop. Die ander helfte, wat die eiendom van Cornelis du Plooy geword het, het die naam [[Bultfontein]] behou. Hoewel die broers hul plaas van 17 000 acre, wat hulle Vooruitzigt genoem het, tussen hulle verdeel het, was dit 'n informele reëling en Johannes de Beer is as die eienaar van die plaas beskou. Hy het 'n klein hartbeeshuisie op die eiendom gebou en was ses jaar later daar woonagtig toe diamante op die aangrensende Bultfontein en Dorstfontein ontdek word. Moontlik is tydens dié tyd ook op Vooruitzigt geprospekteer, maar geen noemenswaardige vondste is gedoen nie.
In April 1871 is gesê dat 'n eensame delwer diamante op Vooruitzigt gevind het en dié berig het die belangstelling van 'n groep prospekteerders van die Vaalrivier gaande gemaak. Dit het gelei tot die eerste stormloop op Vooruitzigt. De Beer het aanvanklik sy bes gedoen om die delwers in bedwang te hou, en sy plaas het berug geraak as 'n moeilike plek om 'n kleim te bekom. Teen die middel van Julie is daar egter nog ryker vondste op Vooruitzigt gemaak, op die bekende Colesbergkoppie, ongeveer 1,5 km reg wes van die oorspronklike delwery. Die stormloop wat gevolg het (bekend as New Rush), was die mees vabeslote wat ooit op die diamantvelde plaasgevind het; toe kon De Beer dit nie langer beheer nie.
Minder as 'n maand ná die stormloop het hy, ten spyte van sy vrou se besware, Vooruitzigt verkoop aan Alfred Ebden, 'n vennoot in die [[Port Elizabeth]]se firma Dunell, Ebden and Company. Die transaksie is op [[19 Oktober]] [[1871]] toe D.K. Reitz, wat opgetree het namens die sindikaat wat deur Alfred Ebden met ander firmas in Port Elizabeth gestig is, Vooruitzigt formeel van De Beer gekoop het teen 6 000 ghienies. Dié koop het gelei tot die aanleg van die dorp Kimberley.
De Beer het eers na Driehoek op die destydse [[Transvaal]]se grens getrek en later verskeie plase in die distrik [[Boshof]] bekom. Een van die plase, Presentpan, het hy aan sy broer geskenk. Hy was op 'n ander plaas, Smitskraal, woonagtig toe hy op 42-jarige leeftyd oorlede en op Smitskraal begrawe is. Sy boedel is op £9 958.15s gewaardeer. Teen daardie tyd is Vooruitzigt al herverkoop ([[31 Mei]] [[1875]]) aan die Kaapse regering vir £100 000 en De Beer se naam is verewig deur die stigting van die De Beers Mining Company. Met die amalgamasie van die diamantmyne in 1888 is die maatskappy by die De Beers Consolidated Mines Limited ingelyf.
De Beer was 'n stil, teruggetrokke man, na bewering goedgelowig en diep godsdienstig. Sommige van sy kinders was later vooraanstaande lede van die [[Sewendedagadventisme|Sewendedagadventistekerk]] in Kimberley, waar dié kerk se eerste kerkgebou in Afrika vandag nog geleë is. Volgens berigte is sy broer Diederik op die pad tussen Pretoria en Johannesburg vermoor.
== Bronne ==
| |||