België: Verskil tussen weergawes
Content deleted Content added
Lyn 79:
Die [[Germaanse volke|Germaanse]] [[Franke]] het in die vyfde eeu die [[Merowingiese Ryk|Merowingiese]] koninkryk gevestig wat in die [[8ste eeu]] met Pepijn die Korte en [[Karel die Grote]] die [[Karolingiese Ryk]] geword het. Tydens die [[Middeleeue]] is die Lae Lande verdeel in menige klein [[Feodalisme|feodale]] state (Vlaandere, Brabant, Henegouwen, Holland, Luksemburg ensovoorts).
Meeste daarvan is in die loop van die [[14de eeu|14de]] en [[15de eeu]]e deur die Boergondiese hertoë Filips die Stoute, Jan sonder Vrees en [[Filips die Goeie]], as die [[Boergondiese Nederlande]] verenig. Die state het 'n mate van selfbestuur in die 15de eeu bereik en is in die 16de eeu die [[Sewentien Provinsies]] genoem.
Die geskiedenis van België kan vanaf 1585 (val van [[Antwerpen]]) onderskei word van die van Holland. 'n Burgeroorlog, die [[Tagtigjarige oorlog]] (1568–1648), het die Sewentien Provinsies in die [[Die Republiek van die Sewe Verenigde Nederlande|Verenigde Provinsies]] in die noorde en die Spaanse [[Suidelike Nederlande]] in die suide verdeel. Die suidelike provinsies is opeenvolgend deur die [[Spanje|Spaanse]] en [[Oostenryk]]se [[Habsburg]]ers oorheers.
Lyn 86:
Tot met onafhanklikheid was die Suidelike Nederlande gesog deur talle Franse veroweraars en was dit die teater vir meeste van die Frans-Spaanse en Frans-Oostenrykse oorloë tydens die [[17de eeu|17de]] en [[18de eeu]]e. Na die [[Franse Revolusie|Veldtogte van die Franse Revolusionêre Oorloë in 1794]], is die Oostenrijkse Nederlande—insluitend gebiede wat nooit onder Habsburgbeheer was nie, soos die [[Bisdom van Luik]]—deur Frankryk oorrompel, wat 'n einde gebring het aan die Oostenrykse heerskappy.
Die Franse oorheersing sou twintig jaar duur, vanaf 1794 tot 1814. [[Napoleon]] sou 'n kragtige verfransingspolitiek toepas, en gedurende die tyd het Vlaandere vinnig verfrans. Franse amptenare, onderwysers, regters en advokate het die land binnegestroom, en [[Nederlands]] was verbode verklaar. Alle moontlike maatreëls is getref om Nederlands in Vlaandere uit te roei. Nederlands is uit die stadsbestuur, gereg en die leer verban. Daarby is die Nederlandstalige pers ook vervolg (Picard 1963:87). In die groot stede [[Gent]], Antwerpen en Brussel, waar die stadsbesture Nederlands gebruik het, was verplig om slegs Frans te gebruik. Die hereniging van die Lae lande as die [[Verenigde Koninkryk van die Nederlande]] het in [[1814]] plaasgevind.
[[Lêer:Wappers belgian revolution.jpg|thumb|links|250px|''Episode van die Belgiese Rewolusie van 1830'', [[Egide Charles Gustave Wappers]] (1834), in die Antieke Kunsmuseum, Brussel]]
| |||