Valens: Verskil tussen weergawes

Content deleted Content added
Skakel
Verbeter
Lyn 9:
Daar is ook Armeense bronne soos die ''Buzandaran Patmut'iwink''' wat uit die laat [[5de eeu]] kom maar net 'n bietjie inligtings oor Valens se handellinge in [[Armenië]] lewer.
 
== Agtergrond ==
Valens en sy broer kom uit Pannonia, waar hulle boere en militêre was. Vir staatsbeheer en vir kennis van die wet was hy grootliks afhanklik van amptenare wat lang jare in hulle poste was. Ook spreek Valens geen [[Grieks]] nie, wat in die Griekse stad [[Konstantinopel]] 'n groot nadeel is.
Op 21 Julie 365 tref 'n groot [[aardbewing]] [[Kreta]]. Land word 9 meter opgehef en honderde dorpe word verwoes. 'n [[Tsoenami]] verwoes die kuste van [[Sisilië]], die Peloponnesus, die [[Egeïese See]] en selfs [[Egipte]]. Valens hoor van hierdie ramp op pad na die ooste in [[Kappadosië]]. Dan hoor hy van nóg 'n probleem.<ref name="Hughs" />
 
== Gotiese huursoldate ==
Valens hef aanvanklik hoë belastings om aan die finansiële probleme van sy voorganger 'n einde te bring. Op 28 September 365 maak Procopius, wat verwant is aan keiser Julianus, daarvan gebruik om in opstand te kom. Valens verloor die mag oor groot dele van die provinsies Asia, Bithynia en Thracia, en dit duur tot 366 voordat hy sy gesag kan herstel. Procopius het Gotiese huursoldate in sy opstand gebruik en Valens val die Gote aan in 'n veldtog wat drie jaar sou duur (367-369). Hy verslaan hulle, maar hul verliese is nie deurslaggewend nie en deur sy optrede verloor hy die moontlikheid om self Gotiese huursoldate te verkry.<ref name="Lenski" />
 
== Ooste ==
In die ooste, aan die grense met die Persiërs, Georgiërs, Saracene en Isauriërs dreig ook gevaar. Valens weet diplomasie te gebruik om verliese wat sy voorganger gely het in 'n nadelige verdrag met die Persiese Ryk gedeeltelik goed te maak en kry weer grip op die Armeense troon. Sjah Sjapoer reageer met oorlog, maar Valens se generale verslaan hom in die Slag van Bagawan in die somer van 371. 'n Wapenstilstand maak dit moontlik om sy wins te konsolideer. Die bergvolke van Isaurië kom egter ook in opstand, eers in 367 en opnuut in 375. In 377 en 378 is daar opnuut 'n Gotiese krisis wat hy nie goed kan bedwing nie deur 'n gelyktydige aanval van die Saracene.<ref name="Lenski" />
 
Hoewel Valens en ook sy broer in die weste die religieuse diversiteit van die bevolking nie baie interesseer nie, voer hy 'n beleid waarin christene bevoordeel word, maar die heidene nie regstreeks aangeval word nie. Daar is egter hofsake teen 'magie' wat deur sommige geschiedkundigesgeskiedkundiges as vervolging van heidene gesien word.
 
Valens probeer buite die kerklike probleme te bly maar in die ooste is dit moeiliker as in die weste. Die verskille tussen die twee helfte van die ryk neem toe. Tog het die beleid van die twee broer baie ooreenkomste. Bestryding van korrupsie, versterking van die stede, bevoordeling van die massa en versterking van die landbou word deur beide nagestreef. Die ekonomie word beter en die keisers kan die muntstelsel hervorm en Valens kan sy belastings verlaag.