Herodes die Grote: Verskil tussen weergawes
Jcwf (besprekings | bydraes) Nuwe bladsy geskep met ''''Herodes die Grote''' omtrent 73 v.C. - 4 v.C. was koning van Judea van 37 v.C. tot 4 b.C. Hy is die seun van Antipater van Idumea, wat 'n minister was vir die familie...' |
(Geen verskil)
|
Wysiging soos op 00:54, 11 Maart 2016
Herodes die Grote omtrent 73 v.C. - 4 v.C. was koning van Judea van 37 v.C. tot 4 b.C.
Hy is die seun van Antipater van Idumea, wat 'n minister was vir die familie van Jannaeus Alexander. Saam met sy broer Phasael kry hy 'n poltieke rol en omtrent 47 v.C. is hy goewerneur van Galilea en sy broer goewerneur van Judea. [1]
In 43 v.C. word sy vader vermoor. Herodes slaag om vir die swak koning Hyrcanus die poging van Antigonus om 'n burgeroorlog te begin te onderdruk. Hy kry Hyrcanus se kleindogter Mariamne as vrou.
In 40 v.C. val die Partiërs Palestina aan. Hyrcanus en Phasael probeer om met hulle to onderhandel maar Phasael word gedood. Herodes trek hom terug na die burg Masada en vra Marcus Atonius om hulp. Die Romeine erken om as die nuwe koning van Judea en Idumaea. Ná 'n stryd om die mag teen Antigonus wat drie jaar duur is hy met M. Antonius se hulp koning. Cleopatra vra Die Romeinse triumvir om haar Judea te gee, maar hy weier. Na die dood van Marcus Antonius en Cleopatra probeer Herodes -self Romeinse burger- Octavianus te oortuig dat hy 'n betroubare bondgenoot is.[1] Die nuwe keiser gee hem selfs meer gebied en gee hom die kopermyne van Siprus, 'n ryk bron van inkomste. Hy is 'n ryk man wat ook in die buiteland bekend is vir sy filantropiese geskenke. Die skeepvaartnywerheid van Rhodos en die Olimpiese Spele byvoorbeeld word deur hom gesteun.[2]
Die Jode is daarmee nie trevrede nie, omrede Herodes se koninkryk daardeur nog meer 'n Hellenistiese karakter kry. Hoewel Herodes self 'n Jood is -sy oupa het dit geword en hy is ook so grootgeword- is sy moeder Cyprus 'n Arabiese vrou van heidense afkoms, maar in sy tyd is dit nog nie reël dat jou ma Joods moet wees om jouself Jood te noem nie. Herodes volg die wette en rituele van sy geloof. Toe sy suster Salome 'n Nabateeër wil trou wat nie besny wil word nie, verbied hy haar om te trou. [2]
Tog is daar opstande teen hom, wat hy bloedig onderdruk. Ook in sy eie paleis is vloei daar bloed. In 29 word sy vrou Mariamne gedood en twee van sy seuns in 7 v.C. 'n Derde seun sterf in 4 v.C., in dieselfde jaar dat Herodes self aan 'n vreeslike siekte beswyk [1]
Verwysings
- ↑ 1,0 1,1 1,2 Encyclopedia of the Roman Empire, Facts on File Library of World History, Matthew Bunson, Infobase Publishing, 2014, ISBN 1438110278, ISBN 9781438110271
- ↑ 2,0 2,1 Herod the Great: Statesman, Visionary, Tyrant, Norman Gelb, Rowman & Littlefield Publishers, 2013, ISBN 1442210672, ISBN 9781442210677