Roman: Verskil tussen weergawes

Die term '''roman''' verwys na 'n groot verskeidenheid van veral [[prosa]]tekste wat van 'n oorwegende fiksionele aard is. Die kernelemente van die roman is die karakters, tyd, ruimte, en gebeure. In elke roman figureer karakters wat aan tyd en ruimte gebonde is. Die organisasie van hierdie gebeure lei tot die verhaalplan, oftewel [[intrige]].

Die woord ''roman'' is in die [[12de eeu|twaalfde eeu]] gebruik om tussen werke in [[Romaans]] (die volkstaal) en [[Latyn]] (die formele taal) te onderskei. Die roman was dus die materiaal wat meer volksgewild was. Vanaf die [[13de eeu|dertiende eeu]] is die term gebruik vir avontuurlike verhale, totdat dit later in gebruik geneem is om na enige lang fiktiewe prosawerk te verwys. Die roman in sy huidige vorm as belangrikste eenheid in die verhalende prosa het egter eers in die afgelope paar eeue begin ontwikkel. [[Miguel de Cervantes Saavedra]] se ''[[Don Quijote]]'' (1605) word algemeen as die eerste roman in die moderne begrip beskou.<ref>Smuts, 1998</ref> In die [[18de eeu|agttiende eeu]] het die roman as genre in gewildheid toegeneem, met onder andere die werke van bekende [[Engeland|Engelse]] skrywers soos [[Daniel Defoe]], [[Samuel Richardson]], en [[Henry Fielding]].

* [[Vertelperspektief]]