Herodes Antipas: Verskil tussen weergawes

Content deleted Content added
Jcwf (besprekings | bydraes)
Nuwe bladsy geskep met ''''Herodes Antipas''' was ''tetrarchos'' van Galilea en Perea van 4 v.C. tot 39 ná. Hy was 'n seun van Herodes die Grote en toe sy pa sterf in 4 v.C. het keiser Au...'
(Geen verskil)

Wysiging soos op 04:26, 16 Maart 2016

Herodes Antipas was tetrarchos van Galilea en Perea van 4 v.C. tot 39 ná.

Hy was 'n seun van Herodes die Grote en toe sy pa sterf in 4 v.C. het keiser Augustus besluit om sy gebiede onder sy drie seuns Antipas, Archelaüs en Philippus te verdeel. Archelaüs het Judea gekry, Antipas Galilea en Perea. [1]

Daar is min bekend oor hom.[2] Hy het goeie betrekkings met Augustus en Tiberius onderhou en in hierdie tyd het Galilea rus en vrede geken. Daar was twee konflikte, een met Agrippa I en een met Aretas wat Antipas se oorgrens aangeval het. Tiberius het egter Antipas gesteun en hom in 36/37 selfs gevra om tussen Rome en Partië te bemiddel.[1]

In teenstelling tot sy broers het Antipas respek getoon vir die geloof van sy volk. Dit blyk byvoorbeeld uit sy munte wat geen beelde van hom of van heidense tempels getoon het nie. [2]

Onder die derde Romeinse keiser, Gaius (meer bekend as Caligula) het Antipas sy beskermer verloor. Agrippa I het hom beskuldig van ontrou aan Rome en sameswering teen die keiser. Gaius het hom geglo en Antipas verban en sy besittings gevat.[1]

Antipas in die Bybel

Herodes Antipas is bekend uit die Bybel van die dans van die dogter Salome en haar eis die hoof van Johannes die Doper as beloning te kry. (Matteüs 14:1-2, Markus 6:14-16). Dit is die Herodes wat Jesus geken het.

Verwysings

  1. 1,0 1,1 1,2 Jesus, the Galilean Exorcist: His Exorcisms in Social and Political Context, Deel 459 van The Library of New Testament Studies, Amanda Witmer , Bloomsbury Publishing, 2012, ISBN 0567427560, ISBN 9780567427564
  2. 2,0 2,1 "Herod Antipas in the Bible and Beyond, The ruler of Galilee in Jesus' time, Biblical Archaeology Society Staff • 05/06/2015" (in Engels).