Soutrivier (kiesafdeling): Verskil tussen weergawes

[[Beeld:Harry Lawrence Soutrivier.jpg|thumb|rightregs|360px|[[Harry Lawrence]] (in die middel met die das) saam met van sy ondersteuners wat op die spoorweë gewerk het, tydens die 1929-verkiesingsveldtog.]]

[[Beeld:Smutskabinet 1948.jpg|thumb|rightregs|380px|rightregs|Die laaste Smuts-kabinet (1948). Van links staan Sidney Waterson (LV vir [[Claremont (kiesafdeling)|Claremont]] van 1943 tot 1953 en daarna vir [[Constantia (kiesafdeling)|Constantia]] van 1953 tot 1970), [[Pieter van der Byl]], [[Harry Lawrence]] (LV vir [[Woodstock (kiesafdeling)|Woodstock]] van 1938 tot 1943 en vir Soutrivier van 1929 tot 1938 en weer van 1943 tot 1961, twee jaar nadat hy uit die V.P. bedank om by die [[Progressiewe Party]] aan te sluit), [[James Mushet]] (van 1920 tot 1921 LV vir [[Liesbeek (kiesafdeling)|Liesbeek]], van 1938 tot 1943 LV vir [[Maitland (kiesafdeling)|Maitland]] en van 1943 tot 1953 LV vir [[Vasco (kiesafdeling)|Vasco]], maar in 1915 slegs vierde in Woodstock toe hy as onafhanklike kandidaat staan), genl. [[Jan Smuts]], A.G.F. Clarkson, dr. Henry Gluckman, adv. [[J.G.N. Strauss|JGN Strauss]], dr. [[Colin Steyn]] en voor [[Jannie Hofmeyr]].]]

[[Beeld:Morris Alexander.jpg|thumb|rightregs|210px|[[Morris Alexander]] was van 1910 en 1946 Volksraadlid met net 'n onderbreking van skaars drie jaar tussen 1929 en 1932 toe hy tot die daaropvolgende jaar LV vir Woodstock was.]]

In die eerste verkiesing wen Walter John Snow van die [[Arbeidersparty (Suid-Afrika, 1910)|Arbeidersparty]] Soutrivier met 'n meerderheid van 840 stemme teen die [[Unionisteparty]] se F.B. Barling. Die onafhanklike W. Moore kom derde met 112 stemme. Snow behou Soutrivier in 1921 met 'n meerderheid van 407 teen maj. Allister Macintosh Miller van die [[Suid-Afrikaanse Party]], van 1924 tot 1929 LV vir [[Durban-Punt (kiesafdeling)|Durban-Punt]]. C.H. Hagger van die L.A. (afkorting onbekend) kom derde met 37 stemme. In 1924 wen Snow die derde maal, nou met 'n meerderheid van 1 013 stemme bo die [[Suid-Afrikaanse Party]] se H.S. Walker.

In 1929 verslaan [[Harry Lawrence]] (ook LV vir [[Woodstock (kiesafdeling)|Woodstock]] van 1938 tot 1943 en minister in genl. [[Jan Smuts]] se laaste kabinet tot 1948) van die S.A.P. vir Snow, wat nou staan as kandidaat van die Cresswelliete-faksie in die [[Arbeidersparty (Suid-Afrika, 1910)|Arbeidersparty]], met 191 stemme. Die ander Arbeidersfaksie, die Hoofbestuursgroep, se G. Pearce kom derde met 154 stemme, vergeleke met Lawrence se 1 561 en Snow se 1 370. Lawrence behou Soutrivier in 1933 as S.A.P.-Koalisie-kandidaat met 'n meerderheid van 1 434 teen die Onafhanklike Arbeider F. Lopes.

Voor die 1938 verkiesing word Soutrivier afgeskaf en in daardie jaar wen Lawrence vir die [[Verenigde Party]] in [[Woodstock (kiesafdeling)|Woodstock]]. Hy keer in 1943 terug toe Soutrivier opnuut afgebaken word en wen met 3 597 stemme meer as die Herenigde [[Nasionale Party]] se D.G. Swart. Die Kommunistiese Party se I.G. Sacks was derde met 851 stemme teenoor Lawrence se 5 071 en Swart se 1 474. Lawrence rook ook die pyp in Soutrivier in 1948 vir die V.P. toe hy 5 440 stemme kry, vergeleke met die onafhanklike R.J. Robinson se 2 148. Lawrence skuif sy meerderheid in 1953 op tot 6 463 teen die N.P. se S. Schoeman en kom in 1958 weer te staan teen Swart, vir wie hy met 5 597 stemme klop.

In die volkstemming van 1960 stem 7 349 kiesers in Soutrivier teen 'n republiek en net 1 936 daarvoor. Lawrence se 32 jaar lange loopbaan as Volksraadslid kom in 1961 se algemene verkiesing tot 'n einde omdat hy kort vantevore by die [[Progressiewe Party]] aangesluit het en as kandidaat vir dié party slegs 2 190 stemme kry vergeleke met die V.P.-kandidaat, Hugh Mountfort Timoney, se 4 670. Ook in aangrensende kiesafdelings het dienende LV's wat hulle by die P.P. aangesluit het, die onderspit gedelf: In [[Maitland (kiesafdeling)|Maitland]] kom dr. [[Zach de Beer]] slegs derde naas die V.P. en N.P. nadat hy in 1953 en 1958 vir die V.P. gewen het en in [[Pinelands (kiesafdeling)|Pinelands]] verloor [[Colin Eglin]] teen die V.P. se John Thompson.