Saturnus: Verskil tussen weergawes

=== Fisiese eienskappe ===

[[Lêer:Saturn from Cassini Orbiter (2007-01-19).jpg|thumb|links|Saturnus se ringe, soos afgeneem deur Cassini in [[2007]]]]

Saturnus se ringe kan met behulp van 'n klein moderne teleskoop of selfs net 'n goeie verkyker waargeneem word. Hulle strek van 6 630 km tot 120 700 km bo Saturnus se ewenaar met 'n algemene gemiddelde dikte van een kilometer en is saamgestel uit [[silika]]rots, [[ysteroksied]] en ysdeeltjies wat wissel in grootte van so groot soos 'n stofdeeltjie tot die grootte van 'n motorkar. Daar is twee hoofteorieë aangaande die ontstaan van Saturnus se ringe. Een teorie, wat oorspronlike deur [[Édouard Roche]] in die 19de eeu voorgestel is, beweer dat die ringe oorblyfsels is van een van Saturnus se mane wie se wentelbaan so verswak het dat dit deur trekkragte uiteen geskeur is (sien [[Rochelimiet]]). 'n Variasie van hierdie teorie stel voor dat die maan deur 'n groot [[komeet]] of [[asteroïde]] getref is en toe uiteen gespat het. Die tweede teorie beweer dat die ringe nooit deel van 'n maan was nie, maar eerder die oorblyfsels van die oorspronklike [[nebula]]se materiaal waaruit Saturnus ontstaan het. Die teorie is tans nie meer gewild nie - daar word geglo dat Saturnus se ringe oor 'n tydperk van miljoene jare onstabiel is en bly verander en dus onlangs ontstaan het.

[[Lêer:Voyager1-saturn-f-ring.jpg|thumb|'n Foto van Saturnus se F-ring, geneem deur Voyager in 1980]]