Matjiesfontein: Verskil tussen weergawes

'''Matjiesfontein''' is 'n nedersetting in die [[Victoriaanse tydperk|Victoriaanse]] boustyl in die hartland van die [[Karoo]], sowat 100 kilometer noordoos van [[Worcester]]. Die dorp in die huidige [[Suid-Afrika|Suid-Afrikaanse]] provinsie [[Wes-Kaap]], wat aanvanklik net 'n stilhouplek langs die spoorlyn was, waar [[stoomlokomotief|stoomlokomotiewe]] van vars water voorsien is, is in [[1884]] deur die [[Verenigde Koninkryk|Britse]] immigrant James ("Jimmy") Douglas Logan gestig. In [[1889]] het Logan 'n mineraalwaternywerheid op die dorp opgerig en water en ander verversings aan treinpassasiers verkoop.

Logan se bekende ''Lord Milner-hotel'' is in [[1899]] opgerig. Die lug van die Karoo-halfwoestyn is destyds ook as baie geskik geag vir die behandeling van longsiektes, maar só het Matjiesfontein toe vinnig ook bekende persoonlikhede soos [[Cecil Rhodes]], die skryfster [[Olive Schreiner]], wat tussen [[1890]] en [[1892]] op die dorp gewoon het, [[Edgar Wallace]], lord Randolph Churchill en [[Rudyard Kipling]].

Tydens die [[Tweede Vryheidsoorlog]] ([[1899]]-[[1902]]) dienhet Logan se hotel as 'n Britse militêre hospitaal gedien. Met Jimmy Logan se afsterwe in [[1920]] raak Matjiesfontein uit die mode. Eers in [[1968]] herleef die dorpie met die heropening van die hotel. In [[1970]] is Matjiesfontein tot nasionale monument verklaar.