NG gemeente Postmasburg: Verskil tussen weergawes

In 1880 het die oudste nog lewende Voortrekker, Michiel Bredenkamp, op Jacobsfontein kom woon en in 1884 na Wolhaarkop verhuis. Voor die tyd het die families Gous en De Klerk hulle reeds in die omgewing gevestig. In 1884 het Blinkklip 'n sentrum van die Gereformeerde Kerk geword. Later word die naam Postmasburg ter gedagtenis van ds. D. Postma. Eers het die plaaslike NG lidmate vir dienste die gebou van die Gereformeerde Kerk gebruik. Die gemeentelede van die NG Kerk is eers deur ds. J.J. Ackerman van Boetsap (later Delportshoop genoem) besoek en later deur [[NG gemeente Griekwastad|Griekwastad]] bearbei. Die eerste kerkgeboutjie is in 1906 opgerig en later in 1915 herbou en verbeter. Mnr. N.J. van Druten, sy gade, Jan Aucamp en oom Michiel Bredenkamp het hulle hiervoor beywer. Die gebou het as kerk gedien tot die nuwe in die vyftigerjare ingewy is. Dit duur tot 1927 voordat waarborglyste gesirkuleer word.

Intussen is die sendinggemeente Griekwastad-Postmasburg gestig en eerw. A. van der Merwe doen vir die wyk Postmasburg baie onder toesig van die konsulent. Wyk Postmasburg was verantwoordelik vir 'n deel van sy salaris. Die wyk rig 'n sendingkerkie in die swart woonbuurt op.

Op [[17 November]] [[1929]] is die gemeente gestig. Ds. C.J. Grobler, wat konsulent in die tyd is, het besonder veel vir die gemeente gedoen. Die eerste leraar, ds. J.S.B. Marais, is op [[5 April]] [[1930]] verwelkom. Dit was sy eerste en enigste gemeente, waarna hy in 1934 sy emeritaat aanvaar. In dié tyd is erwe deur mnr. N.J. van Druten, I.S. Gous en mej. C.E. Gous geskenk. Die [[pastorie]] is op [[9 Augustus]] [[1930]] voltooi. Baie moeilike tydelike omstandighede genoodsaak die kerkraad om hulp te vra van die Algemene Armesorgkommissie. Op [[21 Januarie]] [[1933]] is die salaris van die sendeling gestaak. Vroeg in 1933 is die gemeente weer vakant. Eers op [[15 November]] [[1934]] is besluit om prop. S.J. Botha tydelik vir ses maande te vra. Op [[4 Mei]] [[1935]] is prop. Botha beroep teen 'n salaris van £250 en £2 reiskoste. Dit was 'n moeilike taak, dog met seën het die jong dienskneg van die Here daarin geslaag om die gemeente weer op te bou. Skuld is afbetaal en ontsaglike vooruitgang is gemaak.

Van [[4 Desember]] [[1943]] tot [[23 Februarie]] [[1946]] was ds. M.C. Hattingh leraar van die gemeente. 'n Boufonds is gestig en £2 000 ingesamel. Die gemeente beleef vooruitgang. Op [[16 November]] [[1946]] is ds. De W.B. Lategan bevestig. Die pastorie word vergroot, 'n boorgat en watervoorsiening aangebring. Op [[22 Februarie]] [[1950]] is die nuwe koshuis teen 'n totale koste van £31 273 19s. 3d. deur Sy Edele [[Johan Carinus|J.G. Carinus]], Administrateur, amptelik geopen. 'n Aantal erwe is gekoop vir die bou van 'n nuwe kerk. Op [[16 November]] [[1950]] is die 21-jarige bestaan gevier en het die boufonds die £6 000-kerf bereik.

Die gemeente het in 1959 730 belydende en 526 dooplidmate gehad, vergeleke met onderskeidelik 1 308 en 488 in 2014 en 1 311 en 478 in 2015. Die [[Gereformeerde kerk Postmasburg|plaaslike Gereformeerde kerk]] het egter nie daarin geslaag om sy getalle te handhaaf nie. In 1959 was hier 222 belydende lidmate en 123 dooplidmate, vergeleke met 143 en 28 in 2014 en 115 en 29 in 2015, maar in die [[Pentagoon|vyfhoek]] wat gevorm word deur [[Gereformeerde kerk Postmasburg|Postmasburg]] (1883), [[Gereformeerde kerk Olifantshoek|Olifantshoek]] (1921), [[Gereformeerde kerk Kathu|Kathu]] (1968), [[Gereformeerde kerk Daniëlskuil|Daniëlskuil]] (1949)en [[[[Gereformeerde kerk Kuruman|Kuruman]] (1919) was die totale getal Gereformeerdes meer bestendig: 850 in 1959 en 771 in 2015. Die Hervormde gemeente Postmasburg, gestig op [[17 Julie]] [[1976]] het in 2014 23 doop- en 87 belydende lidmate gehad, vergeleke met onderskeidelik 41 en 83 'n dekade vantevore.

* Stephanus Jacobus Botha, 1935 – 19431935–1943

== Bronne ==