Ennead: Verskil tussen weergawes

{{Hiero|'''Die Ennead'''|<hiero>R8-R8-R8 ! R8-R8-R8 ! R8-R8-R8</hiero>|align=right}}

Die '''Ennead''' (Antieke [[Grieks]]: ἐννεάς, "versameling van nege") was in die [[Egiptiese mitologie]] ’n groep van nege gode wat in [[Heliopolis (antiek)|Heliopolis]] aanbid is. Hulle was [[Atoem]]; sy kinders, [[Sjoe]] en [[Tefnoet]]; hulle kinders, [[Geb]] en [[Noet]]; en hulle kinders, [[Osiris]], [[Isis]], [[Set (god)|Set]] en [[Nephthys]].

 

Volgens Heliopolis se weergawe van die skepping uit die oerwaters, [[Noe]], het ’n heuwel verskyn waarop die selfgeskepte god Atoem gesit het. Hy was alleen en verveeld en het twee kinders, Sjoe (die god van die hemele) en Tefnoet (die godin van vogtigheid), geskep deur óf te spoeg óf te [[Masturbasie|masturbeer]].

 

Sjoe en Tefnoet het op hul beurt twee kinders gehad, Geb (die god van die aarde) en Noet (die godin van die lug). Geb en Noet het vanweë hul nabyheid aan mekaar voortdurend [[seks]] gehad totdat Sjoe vir Noet opgelig het na haar plek in die lug. Geb en Noet het twee seuns, Osiris en Set, en twee dogters, Isis en Nephthys, gehad wat op hul beurt paartjies gevorm het.

 

Dit is onseker hoe die Ennead ontwikkel het. Die teorie is dat die priesters van Heliopolis hulle geskep het om die belangrikheid van die songod, [[Ra]], bo ander gode te stel. So het hulle sommige gode wat eeue lank elders aanbid is, saamgevoeg in die Ennead en ander geïgnoreer. Die belangrikste van hierdie gode was Osiris, god van plantegroei en die onderwêreld, wat in die Ennead opgeneem is as Atoem se agterkleinseun.

 

== Galery ==

<gallery perrow=4>

</gallery>

 

{{CommonsKategorie-inlyn|Ennead}}

 

{{Egipgode}}