Rotterdam: Verskil tussen weergawes

Die seehawe, wat naas Nederland ook groot dele van [[Duitsland]] en dele van [[Wes-Europa]] bedien, is die oorheersende ekonomiese faktor in Rotterdam. Daarnaas speel groot maatskappye 'n beslissende rol in die plaaslike ekonomie - so verteenwoordig twee persent van die Rotterdamse maatskappye meer as vyftig persent van alle werkgeleenthede.

Rotterdam se ekonomie baseer daarnaas op bedrywe waar die werkgeleenthede net soos in ander nywerheidslande verminder word - vervoer, logistiek en verwerkende nywerhede. Die opbrengs per werknemer is met €67&nbsp;000 per jaar merkbaar hoër as die nasionale gemiddeld (€62&nbsp;000 in [[Den Haag]], €58&nbsp;000 in [[Amsterdam]]), veral danksy die kapitaalintensiewe petrochemiese bedryf in die hawegebied.<ref>Leo van den Berg: ''European Cities in the Knowledge Economy''. Ashgate Publishing 2005, bl. 265</ref>