|
Bantoe Presbiteriaanse Kerk: Hoogeerwaarde J.A. Anderson (moderator van die Algemene Vergadering), eerw. D.V. Sikutshwa (senior klerk en waarnemende algemene sekretaris), eerw. W.P.T. Ndibongo (pastor), eerw. B.M. Molaba (klerk van die Transvaal Ring), eerw. A.F. Chrisholm (dominee), eerw. D.W. Anderson (distriksendeling), eerw. G.G. Ndzotyana (dominee), eerw. T.P. Finca (dominee), eerw. J.S. Summers (teologiese leermeester), mnr C.D. Zulu (hoofbeampte van die kerk se pensioen, weduwee en weeskind fonds).<ref>Cottesloe Consultation, pp. 92-3.</ref>
Waarnemer: Eerw. Arthur Blaxall.
Tagtig afgevaardigdes het op [[7 Desember]] [[1960]] bymekaargekom. Onder hulle was 79 mans en een vrou, prof. Monica Wilson, lid van die Anglikaanse afvaardiging. Van die Kaapse NG Kerk was daar onder andere die moderator, dr. [[Abraham van der Merwe]] (leraar van [[NG gemeente Kaapstad]] van 1926 tot 1966), ds. [[A.P. Smit]], die Kaapse argivaris, ds. [[Willie Landman|W.A. Landman]], direkteur van die Kerk se Inligtingsburo, ds. P.E.S. Smith, algemene sendingsekretaris, ds. [[Attie van Wijk]], vier professore van die [[Kweekskool]] op [[Stellenbosch]] en een van die [[Hugenote-kollege]] op [[Wellington]].<ref>[http://gelofteland.org/index.php/suid-afrika/148-wie-is-die-afrikaner-broederbond/2871-wie-is-die-afrikaner-broederbond-5.html Die Cottesloe-kerkeberaad op Gelofteland.co.za]</ref> Die Transvaalse afvaardiging het bestaan uit ds. [[Arnold Meiring]], moderator van die Transvaalse Kerk se Algemene Sinode, [[Beyers Naudé]], assessor van die Suidelike Streeksinode, F.E. O'B. Geldenhuys, [[aktuarius]] van die Transvaalse Kerk se Algemene Sinode, asook twee professore van die NG teologiese fakulteit aan die [[Universiteit van Pretoria]], vier leraars en een ouderling. Die NG Kerke van die [[NG Kerk Vrystaat|Vrystaat]], Natal en Suidwes-Afrika het nie aan die beraad deelgeneem nie omdat hulle nie tot die Wêreldraad behoort het nie.
=== Handelinge ===
|
