Sint Jorisdag: Verskil tussen weergawes

Min is bekend oor Sint Joris as historiese persoonlikheid. Daar word aangeneem dat hy in die laat 3de eeu n.C. in 'n edele familie in Kappadokië ('n historiese streek in moderne [[Turkye]]) gebore is. Hy het in die voetspore van sy vader gevolg en 'n militêre loopbaan gekies. Later het hy deel van keiser [[Diocletianus]] se lyfwagte geword. Toe hy geweier het om by Diocletianus se stelselmatige Christenvervolging betrokke te raak, is hy in 303 self gemartel en in [[Palestina]] tereggestel. Ná sy dood is hy as 'n vroeë Christelike martelaar vereer.

 

 

Sint Joris het in sy leeftyd nooit 'n besoek aan die [[Britse Eilande]] gebring nie, maar word sedert die [[Middeleeue]] in Engeland as beskermheilige vereer. Volgens legendes het Sint Joris gedurende die [[Kruistogte]] en die [[Honderdjarige Oorlog]] teen [[Frankryk]] aan Engelse kant geveg. Die legende van Sint Joris, wat 'n draak as sinnebeeld vir die Duiwel doodmaak en 'n onskuldige jonkvrou van die dood red, het sy oorsprong in die Middeleeue.<ref>[http://www.oocities.org/saintsnseasons/GeorgiosA.html ''Mike Oettle: Heiliges en Jaargetye. Besoek op 23 April 2016''] {{af}}</ref><ref>[http://www.bbc.co.uk/history/historic_figures/george_st.shtml ''BBC History - St George. Besoek op 23 April 2016''] {{en}}</ref> Sint Jorisdag-feesvieringe het minder gewild geraak met die politieke unie tussen Engeland en [[Skotland]] in 1707, maar het in moderne tye 'n herlewing beleef.