Bastille: Verskil tussen weergawes

[[Lêer:Bastille.jpg|thumbduimnael|300px|Die Bastille (voor sy verwoesting)]]

Die '''Bastille''' (wat eintlik "'n versterkte [[kasteel]] met torings" beteken) is die ou burg van [[Parys]]. Tydens die heerskappy van koning [[Lodewyk XVI van Frankryk]] dien dit as staatsgevangenis en word 'n simbool van die dwingelandy van die absolutistiese monargie. Op [[14 Julie]] [[1789]] bestorm die Paryse burgers die Bastille. 'n Verdere styging in die reeds baie hoë broodprys gee aanleiding tot die onluste. Hoewel die betekenis van die bestorming destyds oordryf word, word dit as die begin van die [[Franse Rewolusie]] beskou. Hierdie gebeurtenis is van groot simboliese belang en word nog steeds in [[Frankryk]] as die ''[[Franse Nasionale Dag|Fête Nationale]]'' (Nasionale Dag) gevier. Van die Bastille self het niks oorgebly nie, behalwe vir sy ou sleutels wat vandag in die museum Hôtel Carnavalet in [[Parys]] bewaar word.