Tang-dinastie: Verskil tussen weergawes

Die Tang-dinastie, waarvan Chang'an (die hedendaagse [[Xi'an]]) die hoofstad was – dit was destyds die stad met die grootste bevolking in die wêreld – word algemeen beskou as ’n hoogtepunt in die Sjinese beskawing. Dit was ’n goue era van kosmopolitiese kultuur. Die gebied, wat deur die militêre veldtogte van die vroeë heersers bekom is, was byna net so groot soos dié van die [[Han-dinastie]]. In twee sensusse in die [[7de eeu|7de]] en die [[8ste eeu]] raam die Tang-rekords die bevolking op sowat 50 miljoen.{{sfn|Ebrey|Walthall|Palais|2006|p=91}}{{sfn|Ebrey|1999|pp=111, 141}} Terwyl die sentrale regering aan die agteruitgaan was in die [[9de eeu]] en nie in staat was om ’n akkurate sensus te hou nie, word geraam dat die bevolking teen dié tyd tot sowat 80 miljoen gegroei het.{{sfn|Du|1998|p=37}}{{sfn|Fairbank|Goldman|2006|p=106}} Met so ’n groot bevolking kon die dinastie professionele en dienspligtige leërs van honderdduidende troepe bymekaarmaak om klaar te speel met nomadiese magte in die oorheersende Binne-[[Asië]] en aan die handelsroetes van die [[Syroete]]. Verskeie koninkryke en state het heffings aan die Tang-hof betaal, en die Tang het ook beheer oor verskeie kleiner streke uitgeoefen deur middel van ’n protektoraatstelsel. Benewens sy politieke mag het die Tang ’n groot kulturele invloed gehad op naburige state soos [[Korea]], [[Japan]] en [[Viëtnam]].

 

 

Daar was baie belangrike ontwikkelings in dié tydperk, soos dié van [[houtblokdruk]]. [[Boeddhisme]] het ’n groot invloed uitgeoefen op die Sjinese kultuur, hoewel Boeddhiste later deur die staat vervolg is en hul invloed afgeneem het. Hoewel die dinastie en sentrale regering in die 9de eeu begin agteruitgaan het, het die kuns en kultuur steeds floreer. Kommersiële handel het ook bly vooruitgaan.