William Monkhouse Bowker: Verskil tussen weergawes

Ná sy vader se dood in 1839 verhuis Bowker saam met sy gesin na 'n plaas langs die [[Koonaprivier]], waar hy behalwe met skaap ook met beeste en perde boer. Ná die [[Agtste Grensoorlog]] (1850–’53) hervat hy sy boerdery op die plaas Doringkloof, wat hy voor die uitbreek van vyandelikhede van een van sy broers gekoop het, en word hier een van die baanbrekers wat hulle met groot welslae op boerdery met [[merino]]skape in die [[Oos-Kaap|Oostelike Provinsie]] toelê. Hy belê in grond en staan met sy dood bekend as 'n welgestelde man.

 

Bowler doen dikwels militêre diens: eers in die veldtog teen die Fetcani of Amangwane in 1828 en daarna in die [[Sesde Grensoorlog]] (1834–’35) toe hy as kommandant van die Bathurst Corps of Guides aangestel word. Hy is ook in die Kei-patrollie onder sir [[Benjamin D'Urban]] en na dié oorlog goewermentsagent by die Mfengu (Fingo's). In die [[Oorlog van die Byl|Sewende Grensoorlog]] (1846–’47) is hy kommandant van die Doringkloofstasie en in die [[Agtste Grensoorlog|Agtste]] (1850–’53) kommandant van die Somerset Volunteers. Gedurende dié oorlog kom hy die Setlaars te hulp wat in die Winterberg omsingel is, en voer die burgers aan in die geveg by [[Balfour, Oos-Kaap|Balfour]] en tydens die herowering van Fort Armstrong.

 

Vyf jaar later word hy [[veldkornet]] van die noordelike distrikte langs die [[Groot-Visrivier]]. Bowker was twee jaar lank (1864–’65) verteenwoordiger van die distrik [[Albanie]] in die Wetgewende Vergadering, waar hy met groot onderskeiding as wetgewer optree. (Sy broer [[Thomas Holden Bowker|Holden]] het dieselfde distrik van 1853 tot 1858 verteenwoordig en daarna Victoria-Oos ([[Queenstown]]) tot 1863.)