Kartago: Verskil tussen weergawes

'''Kartago''' (Punies: Qart-Hadasht: nuwe stad) was 'n belangrike stad in die eerste millennium v.C. op die kus van die huidige [[Tunesië]]. Die stad was die grootste teenspeler van die Romeinse Republiek en is na die Derde Puniese Oorlog in 146 v.C. volledig vernietig.

Kartago is deur die Fenisiërs gestig en tradisioneel geld 814 v.C. as die stad se stigtingsdatum. Volgens Philo van Byblos wat in die 2de eeu ná [[Christus]] gelewe het -duisend jaar later-, het hy annale van die Tyriese koning Mattan I gesien, wat sê dat hierdie koning sy troon aan sy elfjarige seun Pygmalion nagelaat het. Dit sou vir Pygmalion se suster Elissa die aanleiding gewees het om na die weste te vlug en in 814 v.C. die stad Kartago te stig. In argeologiese opgrawings is 'n hanger gevind met die name van Pygmalion en Astarte in die graf van Yada'milk en mense het aanvanklik geglo dat hy een van die oorspronkelike stigters van die stad gewees is. Ongelukkig is later gevind dat Yada'milk drie eeue later gelewe het. Die vroegste tyd van die stad is argeologies sleg bekend en niks ouer as van 760 v.C. is gevind nie.<ref>''Carthage Must Be Destroyed: The Rise and Fall of an Ancient Civilization'' {{Aut|Richard Miles}} Penguin, 2011, ISBN 1-101-51703-4, ISBN 978-1-101-51703-1</ref>