Hy was 'n uiters begaafde musikant en het sowat 16 langspeelplate opgeneem, ses7 CD’s gesny, op talle radio- en televisie-uitsendings gespeel en telkemale as solis saam met die Kaapstadse en Johannesburgse simfonie-orkeste opgetree, asook sy eie konserte gehou. Van Rooyen het ook sy eie musiek gekomponeer wat van ligte boeremusiek tot klassieke musiek strek. Hy het in 1987 aan die internasionale mondfluitjie-kampioenskap deelgeneem en ’n derde plek behaal. Twee jaar later het hy wéér deelgeneem, en tweede gekom. “Toe ek die eerste keer op die kampioenskappe speel, kon die mense nie glo wat hulle hoor nie. Omdat ek myself leer speel het, het ek my eie styl en eie klanke ontwikkel wat nog nooit voorheen gehoor is nie,” vertel hy.<ref>[http://www.bekfluit.info/2013/05/mondfluitjie-koning-gaan-bloemfontein.html Mondfluitjie-koning gaan Bloemfontein betower], bekfluit.info, </ref> Ondanks sy liefde vir sy instrument, en sy onteenseglike sukses, het Vincent se musiek wat sy eie komposisies ingesluit het, altyd 'n stokperdjie gebly.
'n Ander groot geleentheid was toe hy Suid-Afrika in 1987 op die eiland Jersey verteenwoordig het by die internasionale mondfluitjie-kampioenskap.
