A luta continua

A luta continua (Portugees vir Die stryd gaan voort) is 'n slagspreuk wat oorspronklik onder FRELIMO tydens die Mosambiekse onafhanklikheidsoorlog ontstaan het, maar deesdae ook deur verskillende links-georienteerde groepe in Suid-Afrika en ander Afrikalande gebruik word. Die slagspreuk is deur Samora Machel gebruik om ondersteuning teen die Portugese koloniale magte aan te wakker. Nadat Machel in 1975 president geword het is daar voortgegaan om a luta continua as 'n onamptelike nasionale slagspreuk te gebruik. Die volledige oorspronklike weergawe was a luta continua... ... A vitória é certa, oftewel die stryd gaan voort... die oorwinning is seker.

Hedendaagse gebruik

Tans (2016) word a luta continua in Suid-Afrika gereeld deur onder meer die EFF en die studenteorganisasie SASCO gebruik. In menigte gevalle word vervormde of afgekorte weergawes van a luta continua gebruik. So word a luta (die stryd) gereeld met aluta vervang, en a victoria e certa (die oorwinning is seker) met net victoria ascerta.

In Nigerie gebruik die Nasionale Vereniging van Nigeriese Studente (NANS) ook die slagspreuk. Hulle verwys soms na hulself as mense wat in Aluta Republic woon en die vereniging se president word beskryf as die Commander-in-Chief of Aluta Forces. Dit is gebruiklik om die uitroep a luta continua met die frase a vitória é certa te beantwoord.

Bronne

Hierdie artikel is 'n vertaling uit die Engelse wikipedia